– Gånnå lihpit subtsastiddje, manustjálle ja filmmadahkke?
Bæjválasj jådediddje vidnudagán Julev Film, Odd Levi Paulsen Divtasvuonas, vargga tjuorvvu dav mij la diehton, ja suv mielas viertti dá hásstalusá vuosatjin tjoavdeduvvat åvdås gå nav guhkás boahtá filmav julev- jali oarjjelsámegiellaj dahkagoahtet.
Paulsen nammat dajna buorre subttsasijt gávnnat, mánusav tjállet ja de prosjevtav ruhtadit. Esski de dåhkki filmav buvtadahttját oarjjel- jali julevsámegiellaj.
Dilev láhtjet
Nav guhkás la filmmabuvtadiddje Divtasvuonas vihtta oanegisfilma buvtadam. Ja sån la dudálasj gåktu prosjevta lij vuosstáj váldedum mij dal guosská ruhtadibmáj ja aj gæhttjij bieles.
Lågå aj:
Julev filma jådediddje sihtá dal dilev láhtjet sidjij gudi sihti filmajn barggat. Juogu dal kámera åvdån jali kámera duogen. Ja sujna l juo ájálvis filmmaj majt dåhkki julevsáme giellaj oavdástallat, ja aj julevsáme guovlon.
Valla Paulsen i rat diede goassa dal dat sjaddá dan diehti gå e nav ålos julevsáme filmaj barga.
– Mujna l dal oanegisfilmma ájálvis majt sidáv åvddånahttet julevsáme oavdástallij. Ulmme l dal filmav buvtadit julevsáme jali oarjjelsámij oavdástallij ja dav vuosádallat soames filmmafestiválan.
Hásstalusá
Hásstalus la dal vuostak manustjállev gávnnat, ja Odd levi dal gatját jus sij gávnnu. Gæhttjalit tjállet. Buorre ájálvisájt buktet, nav de dåhkki dajna barggat.
– Doajvov dal soames filmmaájálvisájt ja mánusijt bukti. Gæhttjalit tjállet, ja dasi viehkev Gasskarijkasasj sáme filmmaguovdátjis oadtjot, ja rudájt åhtsåt mánusav åvddnahtátjit.