Leago du jiellat šuokŋa buoremusaid gaskkas?

Badjel 200 sámi šuoŋa almmuhuvvoje mannan jagi. Lea go du jiellat šuokŋa NRK Urbbi listtus?

Sammensatt bilde av Kajsa Balto, Agnete Saba og Aili Teigmo.

LEAT GO DÁ DU JIELLAHAT?

Foto: Ørjan Marakatt Bertelsen, Kai Chen, Johannes Foslund

PÅ NORSK: Er din yndlingslåt blant de beste?

Diibmá almmuhuvvui ollu ođđa sámi musihkka.

NRK Urbbi journalisttat leat guldalan ja árvvoštallan mánus mánnui dan musihka mii ilmmai, ja dál leat čohkken mannan jagi buoremus šuoŋaid.

Juovlamánu Urbi

Muhto, álggos mii oahpásnuvvat mannan jagi maŋemus Urbbiin. Dat ovdanbuktá sihke eallima ja jápmima.

Ráppaálbuma «Mer än livet» šattai juovlamánu Urbin.

Kitok ja Dogge Doggelito.

OVDAGOVVA: Kitok lávii guldalit Dogge Doggelito ráppáin nuorra bártnážin. Dál beassá ieš ráppet suinna fárrolagaid.

Foto: PRIVÁHTA

Leaba Johkamohkkilaš ráppár Kitok ja dovddus ráppár Ruoŧabeale, Dogge Doggelito geat almmuheaba álbuma.

Das leat dušše guokte lávlaga: «Mer än livet» ja «Välkommen till Lappland».

– Mun balan jápmimis

«Mer än livet» šuoŋas šaddá sáhka eallimis ja jápmimis.

– Mun jurddašan ollu jápmima birra, dadjá Kitok, dahje Magnus Ekelund mii lea su albma namma.

Kitok i Studio Sápmi
– Jápmin balddiha mu.
– Mun in háliit ahte eallin galgá mus váldot eret, čilge Kitok.

Son eallá giehtalagaid iežas OCD buozalmasvuođain.

Buozalmasvuohta mii buktá sutnje lossa ja váttes jurdagiid.

Dan birra son ráppe.

In šat jáhke ahte jámán nuorran.

Ráppe Kitok

– Justte dien beaivvi go čállen «Mer än livet» de dovden iežan gievran, ja ahte lean hearrá iežan badjel. Nu ii leat álo, muitala Kitok.

Guokte eamiálbmoga ovttas

Dogge Doggelito lea ráppen 39 jagi ja lea nana dovddus namma Ruoŧa ráppabirrasis.

Son illuda go álbuma lea nammaduvvon juovlamánu Urbin NRK Sámis.

Kitok ja Dogge Doggelito.

SÁPMELAŠ JA INDIÁNA: Sihke Kitok ja Dogge Doggelito leaba álgoálbmotdievddut.

Foto: PRIVÁHTA

– Lea stuora gudni. Erenoamáš somá lei Kitokain ovttasbargat danne go goappašagain lea eamiálbmotduogáš, muitala Dogge Doggelito.

Doggelito, dahje Douglas León mii lea su albma namma, lea ruoŧŧilaš, muhto su áhčči lea Latiina Amerihkálaš indiána.

– Sávan moai besse musihkkavideo vel ráhkadit Sámis

Dogge Doggelito

12 ođđa sámi urbbáža

Gaskamearalaččat leat 16 ođđa sámi šuoŋa almmuhuvvon juohke mánu jagi 2021.

NRK URBI
NRK Urbbi jury dieđiha ahte lea alla dássi leamašan.
Muhtomin leat sii šaddan lágidit liige jienastemiid go šuoŋat leat nu dássálagaid.

Dalle šaddet fas eará journalisttat čađahit ođđa jienasteami.

Nie lea loahpaloahpas čielgan guđemuš šuokŋa válljejuvvo mánu buoremussan.

Šuoŋat mat ožžo eanemus čuoggáid 2021:

Ođđajagimánu

Guovvamánu

Njukčamánu

Cuoŋománu

Miessemánu

Geassemánu

Suoidnemánu

Borgemánu

Čakčamánu

Golggotmánu

Skábmamánu

Juovlamánu

Guldal buot lávlagiid dás: Dán mánu URBI 2021 - playlist by NRK Sápmi | Spotify

Korte nyheter

  • Den samiske filmen «Radji» vant pris på TIFF

    Den samiske filmen «Radji» vant prisen «Trømsøpalmen» under Tromsø Internasjonale Filmfestival (TIFF) i dag. Filmen er regissert av John Erling Utsi og Georg Gøtmark.

    Tromsøpalmen deles ut til den beste filmen i sideprogrammet Film fra Nord.

    Juryen begrunner blant annet med at filmen avdekker den systematiske undertrykkelsen av den samiske kulturen og levemåten, ved å lage grenser der det aldri har vært grenser før. Og ved lov, beskytter den sterke.

    Den brasilianske filmen Medusa vant to filmer - både Auroraprisen og Faith in Film-prisen.

    Tromsø Internasjonale Filmfestival
  • Beitekrise i Nordland

    Statsforvalteren i Nordland har erklært beitekrise for Ildgruben og Saltfjellet reinbeitedistrikt med tilbakevirkende kraft fra 15. desember til 31. januar. Beitekrisen er ekstraordinær og ikke en del av normale, årlige variasjoner. De ber folk som er på ute på tur om å vise hensyn hvis de møter på rein.

  • 24 958 ådå viesáda li koronas báddum

    Tjáledum la maŋemus jánndurin 24 958 ådå viesáda Vuonarijkan gesi l korona njåmmum.

    Dát la nælját biejvve njoammomlåhko l alemus. Åvdep biejve li låhko 16 877 dajs gudi li koronas njoammoduvvam.

    Koronatest
    Foto: Tore Ellingseter / NRK