Sámi beakkán šattai giellabargin

Sverre Porsanger orru dál Ohcejogas Suomas, muhto lea Kárášjogas bajásšaddan. Su sáhtá gohčodit multidáiddárin, muhto dál son gal bargá giellajođiheaddjin Sámi Ealáhus ja Guorahallanguovddážis Deanus.

Ii šat beakke nu go ovdal

Son ii šat beakke nugo ovdal. Ja dasa lohká leat álkidis čilgehusa. Iežas lohká leat ahkái ollen, nu son lohká ieš. Ii son šat veaje johttit nugo ovdal, go neavttárin ferte álo leat mátkis čájálmasaiguin. Dasalassin lea neattáreallimis garra gilvu, dokko bohtet dađistaga ođđa ja nuorra neavttárat. De ii leat beare fidnet buriid rollaid.

Mánnán šattai son juo neavttárin, danne go neavttastii Ánte-filmmas. Dasa lohká iežas masa dego gohčohallan searvat. Beaggin maŋŋa dien filmma gal balddii su.

Dál lea maid su dilli earalagan go bargá giellabargin. Ii máŋŋá barggu šat árvva, dahje veaje čohkkedit čállit divttaid dahje ráhkadit lávlagiid. Gitára čuojaheami son gal váillaha, muhto vahkkoloahpaid leat olu eará barggut ruovttus.

Dáiddár- ja ártisttabargu gáibida ollu, de danne son ii šat geargga dáiddalaš bargguid bargat. Somá dattetge leat leamaš dat dáiddalaš barggut, main son lea leamaš mielde. Muhto dál son gal ii šat váillat died bargguid.