NRK Meny
Normal

Sámediggi áigu buoridit queer-sápmelaččaid eallineavttuid

Dál áigu Norgga Sámediggi álggahit doaimma das movt buoridit queer-sápmelaččaid eallineavttuid. Beakkán čiŋaheaddji sávváge Sámedikki bargat njuovžilit, go dál han homofiillat olgguštuvvojit beare dávjá sámi servodagas.

Dál áigu Norgga Sámediggi álggahit doaimma das mot buoridit queer sápmelaččaid eallineavttuid. Beakkán čiŋáheaddji sávvá ge Sámedikki bargat njuovžilit, go dál han homofiillat olgguštuvvojit menddo dávjá sámi servvodagas.

Reportár: Samuel Idivuoma, govven ja čuohppan: Roger Manndal

Odne lágidii Norgga Sámediggi seminára Kárášjogas. Homofiillaid, lesbbaid, guovtteseksuálaččaid ja transvestihtaid eallineavttut Sámis lea fáddán.

Norgga Sámedikki presideanta Aili Keskitalo háliida dál bidjat johtui doaibmaplána movt dás ovddasguvlui bargat dáiguin áššiiguin.

– Dát seminára ja dát ságastallan lea vuođđun boahttevaš doaibmaplánii mainna mii álgit dál bargat.

Ii sáhte coggat gávtti

Leammuid Lemet-Ánde lea okta sis geat vásihit ahte sámeservodagas lea erenoamáš lossat eallit homofiilan. Son dovda iežas olgguštuvvon ja lea danin heaitán geavaheames gávtti.

– Mun in dovdda ahte lean inkluderejuvvon áibbas sámi servodahkii. Nu maiddái in leat bidjan gávtti ala. Muhto gávtti mun gal livččen áigon coggat ja livččii munnje vuoitun dan beassat coggat ala dainna dovdduin ahte lea riekta, ahte mun lean maid oassin dán servodagas.

– Váttis

Beakkán make-up artista ja stylista Erlend Elias Bragstad deattuha ahte homofiillaid, lesbbaid, guovtteseksualaccaid ja transvestihtaid dilli sámi servodagas lea erenoamáš garas.

– Leahket sámi homofiila, lesba, guovtteseksuálalaš ja transvestihtta lea hui váttis. Muhtin bearrašiidda čuohcá gudnái jos sis lea homofiila sogas. Dat čihkkojuvvo, iige ságastuvvo dan birra. Mii fertet oažžut eanet rabasvuoda queer-áššiid birra nu ahte mii olahit dásseárvvu olbmuid gaskkas min servodagas, lohká Bragstad.

Doivot gierdevašvuođa ja áddejumi buorránan

Sápmi Pride lágiduvvui ge vuosttaš geardde Norgga beal sámis. Sámi homofiillat doivot olbmuid gierdavašvuođa ja áddejumi iežaset birra buorránan maŋŋil mannan vahkkoloahpa doaluid Kárášjogas.

Geahča maid ášši mannan vahkkoloahpa Sápmi Pride-lágideami birra:

Sámi homofiillat doivot olbmuid gierdavašvuođa ja áddejumi iežaset birra buorránan maŋŋil mannan váhkoloahpa doaluid Kárášjogas. Sápmi Pride lágiduvvui ge vuosttaš geardde Norgga beal Sámis.

Reportar: Carl-Gøran Larsson, govven ja čuohppan: Mattis Sara Wilhelmsen