Sámediggepresideantta Aili Keskitalo (NSR) bivdá olbmuin beroštumi ruhtačoaggimii, go arvevuovdenjeaidin guoská ollu álgoálbmogiidda.
Riddu Riđu festiválajođiheaddji Karoline Trollvik lohká eamiálbmotfestiválan dárbu fuomášuhttit hástalusaid mat dieid guovlluin leat.
Ruhtačoaggin sotnabeaivve
Sotnabeaivve lea NRK TVruhtačoagginákšuvdna, mas ruhta manná Arvevuovddefoandda bargui guovlluin gos bilidit arvevuvddiid.
Ovttas olbmuiguin geat ellet arvevuvddiin, geavahuvvojit ruđat gádjut viiddis arvevuovdeguovllu.
Dán jagi TV-akšuvnnas lea áigomuš gádjut arvevuovddiid Peruas, Brasilas, DR Kongos ja Ođđa-Guinea sullos.
Riddu Riđu festiválajođiheaddji Karoline Trollvik lohká ovttasbargat Arvevuovddefoanddain, ja sis lea erenoamáš sierra prošeakta DR Kongos dán jagi.
Trollvik geassá ovdan dan, ahte dál leat sii ovttas riikaidgaskasaš birasgáhttejeddjiiguin leat ovttasbargamin suddjet arvevuddiid ja eamiálbmogiid rivttiid.
– Mun oainnán mo arvevuovdenjeaidin čuohcá dálkkádatrievdama olis, juoga maid mii rittus maid vásihat, lohká estiválajođiheaddji Karoline Trollvik.
- Loga