NRK Meny
Normal

Sálbmalávlus juoigan cd

Sohparlaš Thomas Marainen lea maŋŋil guhkesáigge jurddašeami gárven iežas vuosttaš cd. Mánnán son lávllui olu sálmmaid, dál almmustahttá son juoigan cd.

Thomas Marainen

Thomas MArainen

Foto: Bernt Mikkel Haglund

Gula ášši

Oahpai jiena geavahit

Sutnje lei buorre oahppat jietnageavaheami dalle go son mánnán ja nuorran ávžžuhuvvui čoakkalmasain lávlut. Dan áigge ledje dávjá leastadiálaš čoakkalmasat Sohppara guovllus, ja sutnje lei lunddolaš vuolgit dokko lávlut sálmmaid. Dalle son oahpai geavahit jiena.

Almmuha juoigan cd

Dál lea son juoigan árbevirolaš luđiid cd.ii. Muhto lea maid jorgalan suomagielas sámegillii ovtta luođi, maid muhtimat eai dáidde lohkat luohtin. Juoigan cd lea "Rieban studio" Bernt Mikkel Haglund buvttadan.

Dál juo guhkin máiilmmis

Thomas Marainen imaštalla mo su cd dál juo lea ollen olgoriikii, go Indias lea okta olmmái bidjan su luođiid gullanláhkai internehttii. Ja maiddái Facebook:s lea dás sáhka. Marainen lea movtta go su luođit dál juo gullojit nie viidát.