– Mu mielas lea imáš ahte dál ii leat oktage filkkajuoigin Romssas. Inga Juuso dagai stuora barggu go lei dán virggis ja buvttii luođi oidnosii. Mon imaštalan go eai šat hálit dán fásta virgin.
Romssas lea 1999 rájis leamaš iežas filkkajuoigi mii galga dovddusindahkat luođi ja dán bokte maid ovddidit sámi kulturvrra ii dušše filkkas. Dán barggu bokte galga filkkajuoigi earot eará doallat konsearttaid mánáide ja nuoraide skuvllain.
Ingá Juuso rohkki doaimmai filkkajuoigi virggis álggu rájes. Muhto su maŋŋa ii leat dát šát leamaš fásta virgi. Ulla Pirttijarvi lei Romssa filkkajuoigi diibmá. Sus lei šiehtadus jahkebeallái. Diimmá rájis ii leat leamaš filkkajuoigi obánassiige.
– Mu mielas jahkebealli lea menddo oanehis áigi go ii geargga vuoddjut bargui.
– Manin dát lea deháláš bargu?
– Go johten skuvllain ja mánáidgárdiin Romssa de oidnen man dehálaš dat lea ahte mánát ja nuorat besset oahpasmuvvat sámi kultuvrrain luođi bokte. Dát lea deháláš fáláldat sámi mánáide masa sii liikojit. Livčče suddu jus dát fáláldat láhppu.
Ulla Pirttijärvi lea artisttan juoigan olbmuide miehtá máilmme. Muhto buot deháleamus lea juoigat ruovttuguovllu mánáide ja nuoraide nu ahte sii dovddadit luođi. Danin lea filkkajuoigi virgi erenoamaš deháláš, son lohká
Filkkajuoigi virgi lea čadnon romssa filkkasuohkana kulturossodahkii, Kultur i Troms ja lea oassin riikamusihkkar ortnegis. Dása leat Romssas 8 musihkkara virgáduvvon.
Romssa filkkaráđđi Willy Ørenbakk muitala ahte sii hálidit barga eáráládje juoigan osiin dál nu ahte eambosat ožžot dán vejolašvuođa.
– Mii leat dal rievdadan dán fástá virggi oanit áiggi bargošiehtadusaide. Boahtteáiggis galga dán barggu olis maid vuovdalit sámi artisttaid máilbmai.
Romssa filkkaráđđi willy Ørenbakk lohká ipmirdit Pirttijarvi balu muhto sin áigomuš ii leat láivudahttit dán barggu.
– Sáhttá máid leat vejolaš ahte mii šaddat ođđasit árvvoštallat dán doaimma jus mii oadnit ahte bargoáigodat leat menddo oanehaš.
