Rievssat lohkan čađahuvvon

Guokte goalmmádas oassi rievssahiin Finnmárkkus leat jávkan ovtta jagis. Nu čájehit Finnmárkku opmodaga (FeFo) logut maŋŋel rievssatlohkamiid ovdalaš rievssatbivddu. FeFo dieđuid miel de leat juohke njealjehaskilomehteris guhtta rievssaha, diibmá ges lekke 18. Danin čavgejit dál bivdonjuolggadusaid dán jagi rievssatbivddu oktavuođas.