Juovlaskeaŋkkat dahje páhkat boktet muittuid. Ja go juovlaskeaŋkapáhka oaidná de gal badjánit buorit mánnávuođa muittut.
Buoremus juovlaskeaŋka lei geasanas
Buoremus muitu mánnávuođas lea juovlaskeaŋka maid oaččui iežas vánhemiin, go sutnos oaččui son oktii geasana/ trekkspilla juovlaskeaŋkan. Dalle lei son sullii čieža jahkásaš, ja das lei rukses ivdni.
Muhto mánnán lei son dakkáraš gii vikkai juovlapáhkaide čuoggut ráiggiid ja iskkat mii dáid siste lei.
Dál viggá son iežas mánáide oahpahit daid juovlavieruid maid son mánnán ieš vásihii, ii diehtalasat dan gal ahte iskkat mii páhkaid siste lea, muhto muđui eará maid son ruovttustis mánnán oahpai ja dagai.