Ráhkkaneapmi oanida skábma-áiggi

Ádveanta lea vuordináigi mii oanida guhkes ja sevdnjes skábma-áiggi, nu lohká Sara Inger Lisbeth Mina Eira, Mázes.

Sara Inger Lisbeth Mina Eira

Sara Inger Lisbeth Mina Eira

Foto: Anne Randi Oskal

Ášši doaimmaha Anne Randi Oskal

Juovlaskeaŋkkat dahje páhkat boktet muittuid. Ja go juovlaskeaŋkapáhka oaidná de gal badjánit buorit mánnávuođa muittut.

Buoremus juovlaskeaŋka lei geasanas

Buoremus muitu mánnávuođas lea juovlaskeaŋka maid oaččui iežas vánhemiin, go sutnos oaččui son oktii geasana/ trekkspilla juovlaskeaŋkan. Dalle lei son sullii čieža jahkásaš, ja das lei rukses ivdni.

Muhto mánnán lei son dakkáraš gii vikkai juovlapáhkaide čuoggut ráiggiid ja iskkat mii dáid siste lei.

Dál viggá son iežas mánáide oahpahit daid juovlavieruid maid son mánnán ieš vásihii, ii diehtalasat dan gal ahte iskkat mii páhkaid siste lea, muhto muđui eará maid son ruovttustis mánnán oahpai ja dagai.