Olu olbmot heahteguovddážis
Sálttu heahteguovddážis ii leat šat eanet sadji. Dan čállá áviisa Nordland. Jođiheaddji Wanja Sæther dadjá ahte guovddáš galggai álggos dušše leat fáhkkadárbbašeddjide fálaldahkan, muhto dál lea guovddáš šaddan bissovaš sadjin máŋgga olbmui. Goitge leat jođiheaddjit bargame gávdnat čovdosiid.
Diibmá ledje measta buot ássit olgoriikalaš nissonolbmot ja mánát. Okta sivva manne orro guovddážis lei go lei váttis gávdnat orrunbáikki priváhta ássanmárkanis.