– Iežamet ođđa organisašuvnnas vuoruhat eanet návccaid sisdollui, ja uhcit veahkkebálvalusaide. Mis šaddet uhcit hoavddat, buvttadančállit ja hálddahuslaš bargit – muhto baicce eanet journalistat.
Dán cealká NRK Sámi direktevra, Mona Solbakk.
Geassemánu álggus mearriduvvui ahte journalisttaid bargojahkodatlohku lassána 7,8:iin.
Geassemánu 7. beaivve mearriduvvui maiddái álmmuhit guokte ođđa doaimmaheaddjivirggi; ovtta almmuhandoaimmaheaddjivirggi ja ovtta áigeguovdilvuođadoaimmaheaddjivirggi.
Ohcanáigemearri lei geassemánu 20. beaivve, ja vuolábealde oainnát geat leat ohcan.
Fuomášuhttit ahte moattis leat ohcan guktuide virggiide, ja namat eai leat čállojuvvon vuoruheami hárrái. Sii geat otnábeaivvis barget NRK Sámis, leat čállojuvvon kursiivahámiin.
Almmuhandoaimmaheaddji
- Larsen, Dan Robert (54).
- Måsø, Jan Rune (39).
- Nystad, Ravna (41).
- Saijets, Maria (36).
- Utsi, Johan Ante (37).
- Ohcci ii leat almmolaš.
Ođas- ja áigeguovdildoaimmaheaddji
- Larsen, Dan Robert (54).
- Måsø, Jan Rune (39).
- Rasmus, Anne Maarit Johanna (35).
- Saijets, Maria (36).
- Utsi, Johan Ante (37).
Otná organisašuvdnahápmi rievdaduvvo dan láhkai ahte golmmas otná njealji doaimmaheaddjivirggis heaittihuvvojit. Guovttis dáin rievdaduvvoba journalistavirgin. Okta dáin ges rievdaduvvo ođđa doaimmaheaddjivirgái.