NRK Meny
Normal

Ohcala Sámedikkis hávdádan njuolggadusaid

Norgga Sámedikki oasálastin sámi beakkálmasaid hávdádusain, šaddá hui sahtedohko, go Sámedikkis váilot njuolggadusat main boahtá ovdan guđe sámi servodatolbmuid berrešii mieđuštit hávdái.

Inga Ravna Eira

Girječálli ja kulturbargi Inga Ravna Eira lohká Sámedikki oasálasttin sámi beakkálmasaid hávdádusain leat mávssolaš.

Foto: Piera Balto / NRK

– Sámedikki oassálastin sámi beakkálmasaid hávdádusain lea hui mávssolaš, ja Sámedikkis lea mu mielas erenoamáš ovddasvástádus, lohká girječálli ja kulturbargi Inga Ravna Eira.

Nu go Norgga Ráđđehusas, de leat dasge mieđustanvejolašvuohta, muhto sáhttá dasa lassin mearridit dihto olbmuid hávdádusgoluid máksit.

– Oččodeamen njuolggadusaid

Sámedikki dievasčoahkkima jođiheaddji, Jørn Are Gaski, mieđiha šaddat eahperehálažžan go sis váilot njuolggadusat.

Jørn Are Gaski

Sámedikki dievasčoahkkima jođiheaddji, Jørn Are Gaski, lohká oččodeamin njuolggadusaid beakkálmasaid hávdádusaid oassálastimii.

Foto: Piera Balto / NRK

– Go jo leat mieđuštan,- dagaldumiid,- ja njuolggadusaid haga, de soaitá nu leat, lohká Gaski.

Dievasčoahkkima jođiheaddji lohká dán eahperehálaš dilis dál eret ja áigot dál ráhkadahttit dagaldumiid ja njuolggadusaid nu ahte mieđusteapmi heivešii buorebut vuordagiidda Sámediggái.

– Go dát lea sajis, de galgat leat doppe gos vurdo ahte Sámedikki ovddasteaddjit leat mielde mieđusteamen olbmuid hávdái, čilge Gaski.

– Hui mávssolaš

Girječálli Inga Ravna Eira lohká Sámedikkisge erenoamáš ovddasvástádus, danin lea su mielas lunddolaš ahte dán ášši árvvoštallet.

– Mon lean leamaš hávdádusas gos Sámedikki ovddasteaddjit leat leamaš, danin oainnán man mávssolaš sin oassálastin lea, lohká Eira.