Hopp til innhold

Korte nyheter

  • Nuoraid rekrutteren vuoruhuvvo

    – Mii boahtit vuoruhit rekrutteret eanet miellahtuid smávit árbevirolaš sámeguovlluin, erenomážit nuoraid.

    Nu dadjá Norgga Sámiid Riikkasearvvi nuoraidlávdegotti ođđa jođiheaddji, Elle Nystad. Logut čájehit ahte NSR:as leat unnán miellahtut árbevirolaš sámeguovlluin. Dán hástalusa lea Nystad gearggus čoavdit. Eambbo dán birra Veaigesáddagis dii. 16.30.

    Elle Nystad
    Foto: Dan Robert Larsen / NRK
  • Sámediggeáirras oahppá sámegiela vai beasašii oahpahit sámegiela

    Gilivuona sámediggeáirras Leif Pedersen (53, NSR) lea dán čavčča álgán sámegielohppui Sámi allaskuvllas Guovdageainnus.

    – Mun lean guhká háliidan oahppat sámegiela vai beasašin oahpahit sámegiela Gilivuona skuvllas, čilge Pedersen čielga sámegillii.

    Gilivuonas lea lassánan beroštupmi oahppat sámegiela. Pedersen áigu jo boahtte skuvllajagi oahpahišgoahtit sámegiela nubbingiellan.

    Son lea jo jagi ruovttus lohkan sámegiela vai sámegieloahppu Guovdageainnus manašii njuovžileappot.

  • ATV, UTV ja mopedabiilalihkuhisvuođat laskan

    Dán jagi leat geavvan ollu eanet ATV, UTV ja mopedabiilalihkuhisvuođat ovddit jagiid ektui. Dušše borgemánus gevve čieža lihkohisvuođat dákkár vuojániin. Dat lea seamma ollu go olles jagis 2020:is.

    Dábálaččat leat nuorat gaskal 15 ja 19 jagi ATV-lihkohisvuođain. Nu čájeha guorahallan maid Stavanger Universitehta lea dáhkan.

    Johtolatsihkkarastin nuoraide (Trafo) lea fálaldat nuorra vuddjiide, mii oččoda nuoraid smiehttat mo sii láhttejit johtolagas. Dán doaimma geavahit maiddái čuovvulit nuoraid geat leat rihkkon johtolatlága.