Dát lea ge vuosttaš háve historjjás ahte Mánáid TV:s lea njuolggosátta. John Egil Utsi lea okta prográmmajođiheddjiin Ruovttus-ráiddus.
Vuosttaš sátta lea gaskavahku cuoŋománu vuosttaš beaivvi, diibmu 1500. Dát oidno NRK SÁPMI ovdasiiddus. dahje doppe gos čohkket buot Ruovttus-sisdoalu.
Nubbi sátta lea ges bearjadaga 03.04.20. Ja de dan vahku maŋŋá lea sávaldat sáddet «Ruovttus» juohke áidna beaivve.
– Mii gal duođai illudat rávdnjet Ruovttus ruovttuide”, beaškala prográmmajođiheaddji Utsi.
– Áibbas ovttaoaivilis! Illudan nu sakka ahte measta girdilan!, reašká Ann Solbritt Logje, gii maiddái lea prográmmajođiheaddji.
Ruovttus-sáddagis ii leat ge dušše okta, muhto unnimusat njeallje jođiheaddji. Sii leat John Egil Utsi, Ann Solbritt Logje, Heidi Sara, Jon Henrik Hivand ja Elle Gaup.
Searvva don ge iežat ruovttus min ruovttosáddagiidda! Ruovttus ruovttuide!