Dorski olahusjahki
Jahki 2015 boahtá šaddat gođđadorski olahusjahki. Nu dadjá mearradutkaninstituhta mearradutki, Knut Korsbrekke. Norgga mearrabuvttaráđi logut čájehit ahte sullii 7.000 tonna dorski buvttaduvvojedje dán jagi, diibmá ges buvttaduvvui 4.492 tonna. Sivvan go ná olu buvttaduvvo lea ahte guliin lea buorre biepmu, lieggaset čáhci ja ahte ii lean nu olu guolledeatta. Dál leat leamaš guokte buori dorskejagi, ja orru boahtte jagi fas šaddame buorre dorskejahki, oaivvilda Korsbrekke.