Nuorra sámi vuoiti

Filbmadahkki Marja Bål Nango oaččui dán jagáš "Skårungen" debutántabálkkašumi, maid Davvi-Norgga Filbmaguovddáš geige juohke jagi Romssa riikkaidgaskasaš filbmafestivála oktavuođas.

Bål Nango oažžu bálkkašumi "Hilbes biigá" oanehisfilmmain. Jury lohká filmma duostilin ja rábmo Bål Nangos erenoamáš attáldagaid filbmadahkamis. Bálkkašupmi lea 25.000 kruvnna.