NRK Meny
Normal

Dáhttu geavahit eambbo ruđáid

NSR dáhttu geavahit eambbo ruđáid sámefoanddas. – Ruhtii lea nu stuorra dárbu ahte ii sáhte vuordit, oaivvilda NSR joavkojođiheaddji.

Aili Keskitalo
Foto: Eilif Aslaksen / NRK

Sámediggi lea geavahišgoahtán sámeálbmotfoandda ruđaid. Sámediggeráđđi árvala geavahit 10 miljovnna ruvnno jahkasaččat.

Ruhta galgá mannát sámegillii, girjjálašvuhtii ja árbevirolaš máhtu dokumenteremii. Muhto NSR mielas ii leat dat doarvái.

– Dieiguin doaimmaiguin ii sáhte vuordit, danne ferte geavahit eambbo ruđa juo boahtte jagi, lohka NSR sámediggejoavkku jođiheaddji Aili Keskitalo.

GULDAL: Geavahit eambbo foanddarudain

Sámedikki dievasčoahkkin mearrida guovtti vahko geažes man ollu dán have geavahit sámefoandda ruđain.