Norrbotten šaddá ruoksadin

Mánnodaga rájes rivdet sisabeassan njuolggadusat Norgii. Dál fertet erremii jus boađát Norrbottenis Ruoŧas, Ungáras ja golmma guovllus Suomas. Dat golbma guovlu leat Keski-Pohjanmaa, Etelä-Pohjanmaa ja Vasa.

Errengáibádus guoská dušše daidda geain ii leat koronasertifikáhtta. Mánát ja nuorat vuollel 18 jagi eai dárbbaš erremii.

Lassin Norrbottenii, de lea Ruoŧas ain errengáibádus olbmuide geat bohtet Stockholmmas, Västerbottenis ja Västermanlandas.

Dat riikkat bissot ain ruoksadin dahje sevdnjes ruoksadin, ja nu lea ain errengáibádus daidda geat bohtet doppe: Belgia, Bulgaria, Greika, Irlánda, Kroátia, Luxemburg, Slovakia, Šveica, Duiska, Nuortariika, Estteeana, Látvia, Lietuva, Románia, Slovenia ja Stuorra- Británnia.

Utsikt mot Kirunas nye bysentrum
Foto: Kiruna kommune

Korte nyheter

  • Gieđahallet Sámedikki 2022 bušeahta

    Sámedikki dievasčoahkkin joatkašuvvá odne Álttás. Otná stuorra ášši lea Sámedikki 2022 bušeahtta. Eará áššit leat Sámedikki jahkásaš ášši guolástuspolitihka birra 2021, Interreg sámi dimenšuvnna hálddašeapmi ja čuovvoleapmi ja Rievdadusat Sámelága 3.kapihttalis.

    Sámediggi - Sametinget i Alta
    Foto: Dan Robert Larsen / NRK
  • Duođalaš dearvvašvuođadilli

    – Lea oalle duođalaš dilli go dearvvašvuođabálvalusat suohkanin ávžžuhit olbmuid vuordit váldimis oktavuođa singuin, go suohkanin lea nu mearehis olu bargu. Nu lohká Romssa ja Finnmárkku stáhtahálddašeaddji Elisabeth Vik Aspaker. Ikte bođii ovdan ahte Sážžá suohkanis gohččot olbmuid vuordit váldimis oktavuođa doaktáriin, jus dat lea vejolaš. Sivvan dán ávžžuhussii leago suohkan geavaha resurssaid giehtahuššat koronapandemiija, ja dát duođašta duođalašvuođa dilis, lohká Aspaker.

    Tomt legekontor
    Foto: Cathrine Oftedahl / NRK