Neahttibáikkis nuvttá oahpponeavvut
Odne almmuhuvvo sámegiel neahttasiidu maid birrasii 8000 oahpaheaddji miehtá Davviriikkain besset geavahit. Dát dagáha ahte dál ožžot davvisámegielat oahppit ja oahpaheaddjit nuvttá oahpponeavvuid iežaset gillii, ja oahppit Davviriikkain besset maiddái buorebut oahppat sámi giela ja kultuvrra birra, čállá Ávvir. Ulbmil lea nannet máhtu Davviriikkaid giela ja kultuvrra birra, ja addit mánáide ja nuoraide vejolašvuođa oahppat gulahallat riikkarájiid rastá, čilge Norden i Skolen prográmmahoavda Thomas Henriksen. Sámiráđi presideanta Áile Javo lea ilus go oahpponeavvut leat sámegillii.