Ná jienastat Sámi Grand Prixas 2022

• Les på norsk: Slik stemmer du under Sámi Grand Prix 2022

Dáppe don jienastat Sámi Grand Prixas

Jienasteapmi rahppo sáddaga áiggi. Sátta álgá 16.04.2022, dii. 19.50.

Logge sisa NRK.no:i. Don fertet leat geavaheaddji ja fertet leat loggejuvvon sisa. It don ádján ráhkadit geavaheaddjekonto, jus dus dat ii leačča ovdalaččas.

Dasto manat jienastansiidui.

Go leat beassan sisa, de oainnát juigiid ja artisttaid, geaid sáhtát jienastit.

• 1-2-3, ná šaddá mobiila gearggus jienasteapmái
• Ná doaibmá jienasteapmi
• Goas sáhtán jienastit?
• Galle jiena leat mus?
• Manne ferten logget sisa?
• Sáhtán go olgoriikkas jienastit?
• Lea go jury?

1-2-3, dárkkis ahte du mobiila doaibmá jienastettiin

Gávdnojit iešguđetlágan mobiillat, dihtorat ja neahttalohkkit. Ja válljenvejolašvuođat eai galgga leat hehttehussan jienastettiin. Dás dárkkistat ahte du telefovdna dahje dihtor lea gearggus jienasteapmái.

Mana jienastansiidui. Oainnát go oasseváldiid?

Jo? Buorre, dalle sáhtát jienastit. Čuovo sáddaga ja jienas iežat jiellaha.

It? De sáhtát dán geahččalit:

1. Dárkkis ahte du mobiila ja neahttalohkki lea ođasmahtton ođđaseamos veršuvdnii.
2. Geahččal eará neahttalohkki – ovdamearkka dihtii Chrome, Safari dahje Firefox.
3. Lea go dus eará dihtor, neahttalohkki dahje mobiila maid sáhtát atnit? Dárkkis seamma ládje go dás rávvet, ja ane dan jienastettiin.
4. Geahččal eará e-poastačujuhusa dahje čoavddasáni (glemt passord)
5. Ii vel doaimma? Váldde oktavuođa: info@nrk.no!

Ná doaibmá jienasteapmi

Logge sisa nrk.no/stem ja vállje guđe guvlui don gulat.

Dus leat golbma nuvttá jiena juohke jienastanoasis.

Dušše dat jienat, mat sáddejuvvojit dan áigodagas go jienasteapmi lea rabas, šaddet oassin bohtosiin. Jus it jienas dán áigodagas, de jietna ii lohkko.

Dieđihuvvo čielgasit sáddaga áiggi goas lea vejolaš jienastit.

Álggos gulat buot guhtta lávlaga:

Maŋŋá go buot guđas leat lávlon, de álgá jienasteapmi. Dál mearridit geahččit ovttas fágajuryin geat besset viidáseappot boahtte oassái.

Mii oaidnit oanehis oasi juohke lávlagis ja eará sisdoalu.

De čoahkkanit lávlut lávdái, ja mii gullat bohtosiid. Guovttis mannaba viidáseappot gollefinálii.

Juoiganoassi álgá:

Go buot guđas leat juoigan, de álgá ođđa jienasteapmi. Dál mearridit geahččit ja fágajury geat besset viidáseappot boahtte oassái.

Mii oaidnit oasáža juohke luođis ja eará sisdoalu. De čohkket ges buot juigiid lávdái, ja guovttis mannaba viidáseappot gollefinálii.

Gollefinála:

Dál gullat álggos dan guokte juoigi, dasto dan guokte lávlu. Go buohkat leat juoigan ja lávlon, de álgá eahkeda maŋemus jienasteapmi.

Dán háve leat dušše geahččit, geat váikkuhit bohtosiidda, fágajury ii jienas. Jienat álgovuoruin eai leat oassin gollefinála bohtosiin.

Jus juoga manná boastut jienastemiin gollefinálas, de lea álbmotjury mii mearrida.

Goas sáhtán jienastit?

• Go buot 6 lávlu leat leamaš lávddis
• Go buot 6 juoigi leat leamaš lávddis
• Go gollefinalisttat leat leamaš lávddis

Galle jiena leat mus?

Dus leat golbma nuvttá jiena juohke oasis, nrk.no/stem bokte.

Manne ferten logget sisa?

Mii fertet čatnat juohke jiena sierra NRK-geavaheaddjái, vai sihkkarastit ahte bohtosat šaddet riekta.

NRK ii vurkkot dieđuid, ahte gii lea jienastan gean, muhto atnit dieđuid váruhit ahte guhtege geavaheaddji jienasta dušše golbmii juohke oasis.

Sáhtán go olgoriikkas jienastit?

Jo, don sáhtát jienastit gos dal de leaččat máilmmis. Jienastansiidu lea eŋgelasgillii.

Fertet dieđusge ráhkadit NRK.no geavaheaddji, nu mo dás bajábealde rávvet.

Lea go jury?

Lávlun- ja juoiganosiin lea jury fárus mearrideame geat besset gollefinálii. Sin jienat dahket 50 %, nuppi 50 % ges geahččit.

NRK ja Sámi Musihkkafestivála lea maid ásahan álbmotjury, mii čohkká sáddenbáikkis. Jus juoga manná boastut jienastemiin, de atnit álbmotjury jienaid gollefinálas.