Mánájgirjje bidumsámegiellaj
Juo de gåvvåbáhkogirjje bidumsámegiellaj aj boahtá. Sámedikkeráde l juollodam 30.000 kråvnå Trøndelága fylkagirjjevuorkkáj almodittjat bidumsámegiela nuppe girjev mij namájt la "Muv tuvsan vuostas bágo". – Ælládahttembarggo mij la jådon bidumsámegiela hárráj ålov merkaj, ja girjijt almodit mánájda la viehkken boahtte ájge giellaaddnijda, javllá sámedikkeráde Mikkel Eskil Mikkelsen. Gåvån la julevsáme almodibme.