Elsa Laula Renberg riegádii Vualtjeres Ruoŧa bealde 29.11.1877 gos bajásšattai boazosápmelašbearrašis. Elsa Laula jámii Brønnøyas 22.7.1931.
Erenoamáš olmmoš
Elsa Laula lei okta áibbas dábálaš nissonolmmoš gii náitalii, oaččui mánáid ja muhtun máná gárttai son mieđuštit hávdái. Son barggai nugo earátge nissonolbmot dábálaččat barge muhto son lei liikká áibbas sierralágán olmmoš. Son lei dat nubbi sámi nissonolmmoš Ruoŧas gii válddii alit oahppu. Golbmii finai son gonagasa Oskar luhtte šloahtas Stockholmmas.
Leat badjel čuođi jagi vássán das rájes go sámiid vuosttaš riikkačoahkkin lágiduvvui obanassiige. Dat dáhpáhuvai Troandimis guovvamánu 6.-9. beaivve rádjai 1917:is. Badjel 100 jagi leat vássán das rájes go sámi nissonpionera Elsa Laula Renberg čohkkii sápmelaččaid dan vuosttaš sámi čoahkkimii Troandimii.
Erenoamáš dáhpáhus Porsáŋggus
Nie son muitalii Elsa Laula Renbergga birra Porsáŋggu girjerádjosis. Siri Broch Johansen lea gal ovdal fitnan Porsáŋggus muhto dán vuoru vásihii son juoga oalle mearkkašahtti dáhpáhusa.