Lei árabut dán vahkus ahte Guovdageainnu leansmánni, Klemet Klemetsen, evttohii ahte Sámi allaskuvlla sáhtášii fállat lávdaduvvon politiijaoahpu danin go politiijasuorggis leat nu unnán sámegielat politiijabálvvát.
Loga eanet Klemetsena evttohusa birra dás:
Gulahallat politiijaallaskuvllain
Sámi allaskuvlla rektor, Gunvor Guttorm, lohka áigut gulahallan politiijaallaskuvllain ahte leago sis dáhttu ja beroštupmi sirdi lávdaduvvon politiijaoahpu Sámi allaskuvlii Guovdageidnui. Sii šaddet dasto maiddái gávnnahit movt dákkár lávdaduvvon oahppu galgá lágiduvvot, dadjá Guttorm. Son dadjá ahte dákkár oahpu lágidit ja fállat lea guhkes ja áddjás proseassa man ii leat vejolaš oanehis áiggis čoavdit. Son lohka ahte sii dieđusge vuhtiiváldet servodaga sávaldagaid, nu movt dán oktavuođas Guovdageainnu leansmánne
Vuhtiiváldet servodaga sávaldagaid
Gunvor Guttorm dadjá ahte sii prinsihpalaččat vuhtiiváldet servodaga sávaldagaid, ja nu movt dán áššis go Guovdageainnu leansmánne hásttuha Sámi allaskuvlla. Muhto go dát lea nu áddjás bargu, de ii leat vejolaš dál vástidit ahte juo, diesa sii njuikejit, dadjá Gunvor Guttorm.
Kurssaid fállat
Gunvor Guttorm dadjá ahte dan maid Sámi allaskuvlla bealis ieža hálddašit, lea ahte sii sáhttet fállat kurssaid politiijabálvváide mas sii besset oahppat sámi giela, kultuvrra ja áddejumi. Dákkár kurssaid sii sáhttet fállat politiijabálvváide geat juo leat geargan politiijaallaskuvllas.
Guldal jearahallama Sámi Allaskuvlla rektoriin: