Guovdageainnu leansmánne, Klemet Klemetsen, dáhttu sámi politiijaoahppu lágiduvvot lávdaduvvon oahpahussan Sámi Allaskuvllas Guovdageainnus. Sivvan lea go politiijás váilot sámegielat politibálvváide, dadjá Klemetsen.
Oahpaheaddjioahpu málle mielde
Guovdageainnu leansmánne, Klemet Klemetsen, lea guhka juo áŋgiruššan oččodeames eanet sámi nuoraid váldit politiijaoahpu.
–Duogáš dasa lea go mis duođaid váilot politiijabálvvát geain lea sámegiel gelbbolašvuohta, dadjá Guovdageainnu leansmánne, Klemet Klemetsen.
- Loga dás eanet dieđuid politiijaoahpu birra:
Lávdaduvvon oahpahus
Klemertsen dadjá ahte politiijaoahpu sáhtášii lagidit seamma vuogi mielde go dálá oahpaheaddjioahpu, namalassii lávdaduvvon oahpahussan. Oahpahusa sáhtášii Sámi allaskuvla lágidit, earenoamažiid vai sámegiel gelbbolašvuohta deattuhuvvo oahpahusas, dadjá Klemet Klemetsen.
- Guldal Klemet Klemetsena vástádusa dás:
Doarju evttohusa
Kárášjoga Leansmánne, Kjell Magne Grønnli lohka iežas doarjut Guovdageainnu leasmánne, Klemet Klemetsena evttohusa. Son dadjá ahte Kárášjoga leansmánnekontuvrras leat sis guokte maŋimus leamašan guokte politiijaallaskuvlla studeanta, ja sin áigumuš lea joatkin dainna fas boahtte jahkai.
–Mii sáhttit vuostáiválit sámegielat politiijastudeanttaid danin go mis lea bissovaš politiijaveahka geain lea guhkes bargohárjáneapmi ja nana gelbbolašvuohta máŋggaid surggiin, dadjá Kárášjoga leansmánne, Kjell Magne Grønnli.