Klara (98) oaččui koronaboahkuma
Miehtá Norgga leat dál boahkuhišgoahtán vuorasolbmuid. Deanu gielddas galget oktiibuot 15 boahku biddjot. Klara Seim (98) lea okta dain vuosttažiin gii boahkuhuvvui. Buohccedivššár Elle Aikio dat bijai boahku. – Dat lei hui suohtas. Gal mii leat vuordán beassat álggahit boahkuhemiid, lohká Aikio. Loga dáppe eanet koronadieđuid sámegillii.