Jus otne lea bivval, de šaddá bivvalis giđđa

Dološ sápmelaččat leat luonddu lagasvuođaset vuođul olles jahkái merkon dihto beivviid, mat muitalit dálkedieđuid. Daid vuođul einnostedje dávjá makkár dálki, ilbmi ja jahkeáigodatdálkkit ledje vuordagis.

• Loga eanet: Máhte borggat ja Máhte heajos dálkkit

Geassebeaivi

Geassebeaivi, mii lea cuoŋománu 14.beaivve, lea Tiburtiusa ja su vielja Valeriana muitobeaivi. Soai leigga 3. čuohtelogu martyrat.

Otná beaivái leat čadnon dálkediiddat.

• Jus otne suvvolastá (dahje lea muođđa) de šaddá báhkka geassi.
• Jus otne lea bivval, de šaddá bivvalis giđđa.
• Nu suohkadin go muohta gahččá dán beaivvi, nu suohkadin girdá čuru ja lávžá geassebáhkaid.
• Jus dán beaivvi muohttá, de lea vuordagasas vel muohtti ovcci gearddi. Jus galbmá, šaddá heajos jáhki juohke láhkai.

Suv`ijat cuoŋománus

Suvviját álget Cuoŋománu 15. beaivvi čuovganeapmái. Suvv`ijat leat oktiibuot ovcci, muhto muhtimat rehkenastet golbma suvv'ija. Suv-ijat leat ijat maŋ­ŋil cuo­ŋománu njealljenuppelogát, vihttanuppelogát ja guhttanuppelogát beivviid. Suvvet meark­kaša faskut eret muohttaga.

Beaivái gullet dálkediiddat.

• Movt dálki lea ma­ŋemus suv-ija, de dak­kár dálk­kit šad­det giđ­đat.
• Jos njázuda ovdal golmma maŋimuš ija, de lea vel muhtun muddui buorre giđđa.
• Jus obanas­siige suv-ijaid leaš buolaš, de dan gol­bma beaivvi galgá gear­dut ovc­ciin: 3 × 9 = 27. Galbma dálk­kit bi­stet nappo guok­te­lo­gi­čieža jándora dán beaivvi rájes, dahje bi­stet goit Irjan-beaivvi radjai. Šaddet galbma, heajos giđ­đa­dálk­kit
• Muhtun sá­miguovl­luin loh­ket ahte Irjánbeaivi lea ma­ŋemus suv-idja. Dain guovl­luin reh­ke­nas­tet ahte leat ok­tii­buot ovcci suv-ija ja loh­ket, jus Irjánbeaivvi čuovganeapmái lea biv­val, de biv­valis dálk­kit bi­stet sul­lii golbma­logi beaivvi. Muhto jus lea čoask­kis, de gal­bma dálk­kit bi­stet sul­lii gol­bma­logi beaivvi.

• Loga eanet: Dáppe gulat go Anders Johnsen-rohkki muitala suvv`ijaid birra

Irjánbeaivi

Irjánbeaivi lea ges cuoŋománu 22.beaivve. Dan áigge ih­ti­goh­tet giđđa- ja geassemearkkat. Dáid sulaid lea maid dávjá arvi. Leat biv­valis dálk­kit ja njuoska muohta, mii ii guotte šat čuoigi olbmo, iige beat­naga.

Dálkediidan loh­ket:

• Makkár dálki dán beaivvi lea, de dak­kár dálk­kit bi­stet giđa miehtá, goit­totge sul­lii njeal­lje vahkku.

Loga eanet: Geahča ja loga makkár girjebievla lea