– Dien birra mun in oppa diehtánge. Go de gullen dus, de mu váibmu hui liegganii go dát fálaldat maid boahtá mu eatni gillii, lohká Anna Ragnhild Balto.
ILUS: Dálkeberošteaddji Anna Ragnhild Balto illosma go gullá dálkedieđáhusa ge gávdnot davvisámegillii neahtas.
Foto: Elvi Rosita Norvang / NRKSon jođiha Šuoššjávrri duottarstobu Kárášjogas ja beaivválaččat dárbbaša son dálkedieđuid.
Dálkediehtosiiddus Yr.no, maid NRK ovttas Meteorologalaš instituhtain doaimmaha, lea ovdal leamaš vejolaš válljet sámegiela. Ovdalaš juovllaid ođasmahtte neahttasiidduid, ja de jávkkai sámegiella.
Dál lea fálaldat ohpihii ođasmahttojuvvon ja dál lea fas vejolaš oažžut sámegillii dálkedieđáhusa neahtas.
Dán barggus lea maid leamaš mielde NRK Sámi digitála ovdánahttin jođiheaddji Ánne Márjá Hætta.
– Dálkedieđu miehtá máilmmi sáhtát fitnat geahččamin. 13 miljovnna báikki sáhtát fitnat geahččamin dál davvisámegillii makkár dálki šaddá, lohká son.
- Loga maid:
– Sávvamis fálaldat lea ávkin
Várrehusat ja muohtagassodagat leat maid sánit maid beasat oaidnit sámegillii yr.no siiddus.
SÁVVÁ CAVGILEMIID:NRK Sámi digitála ovdánahttin jođiheaddji Ánne Márjá Hætta ávžžuha Yr-sámegiel neahttasiiddu geavaheaddjiid cavgilit jos juoga doppe váillahit.
Foto: Dragan Cubrilo / NRKHætta sávvá ahte fálaldat šaddá olbmuide ávkin.
– Lea hui dehálaš guldalit makkár dárbbut Yr geavaheddjiin leat, nu movt giellaválljejupmi. Olbmot galget áinnas cavgilit jos bálvalusas maid ge váillahit, lohká son.
– Leago diet dat stuorámus sámi fálaldat, dán rádjái?
– Na, mii diehtit goit ahte Yr, dan geavahit hui olus, sápmelaččat ja maiddái earát. Dat gal šaddá hui somá ahte dan sáhttá atnit sámegillii maiddái, lohká son.
Heivehit eará gielaide
Yr.no fálaldaga jođiheaddji Anette Wilberg muitala iežaset ráhkkanan teknihkalaččat vai
TEKNIKALAŠ RÁHKKANEAMIT: Maiddái julev ja máttasámit soitet boahtteáiggis oažžut dálkedieđáhusa sámegillii, čilge Anette Wilberg.
Foto: Privatboahtteáiggis lea vejolaš bálvalussii heivehit eará gielaid.
– Ovddasguvlui de sáhttá jearaldat fátmmastit máttasámegiela ja julevsámegiela dán bálvalussii. Dál eai leat vuos dakkár plánat, go dása gullet maiddái eará bealit go dat teknihkalaš, maiguin fertešii lihkostuvvat, lohká son.
Duottarstobu jođiheaddji navdá iežas šaddat oahpásmuvvat ođđa sániide.
– Mun lean hui speanta dasa ahte makkár doahpagiid geavahit doppe. Soaitá leat ahte muhtin ferten oahppat fas ođđasit maid mánnán lean oahppan, ja kánske vajálduhttán, lohká Anna Ragnhild Balto.
- Loga maid:
- Loga maid:
- Loga maid:
