Jienas don nai Sámi Grand Prix 2023:s!

• Les på norsk: Slik stemmer du i Sámi Grand Prix 2023!

Dáppe don jienastat Sámi Grand Prixas

Sáddagis muitaluvvo goas jienasteapmi rahpasa ja giddejuvvo. Sátta álgá 08.04.2023, dii. 19.50.

Logge sisa NRK.no:i. Don fertet leat geavaheaddji ja fertet leat loggejuvvon sisa. It don ádján ráhkadit geavaheaddjekonto, jus dus dat ii leačča ovdalaččas.

Dasto manat jienastansiidui.

Go leat beassan sisa, de oainnát juigiid ja artisttaid, geaid sáhtát jienastit.

Viečča bingo ja jienastanskovi

Áiggutgo ruovttus geahččat Sámi Grand Prix, dahje lágidit SGP-feastta beassášlávvardaga?

Dá leat guokte veahkkeneavvu, mat soitet buktit lassi suohttasa:

Vállje iežat vuoiti

Skovis leat artisttat, ja evttohusat maidda bijat čuoggáid. Daid deavddát dađistaga go artisttat leat lávddis, ja bijat čuoggáid juste nu go háliidat.

Viečča dás:

• Du peršovnnalaš jienastanskovvi

Bingo

Oaččutgo vihtta maŋŋálaga veallut, čuožžut dahje doarrás? De čurvet bingo! Dás sáhttibehtet ovddalgihtii mearridit mii vuoitu lea, ovdamearkka dihte stuora šukuláda-monni?

Viečča dás:

• SGP-bingo

Dárkkis ahte du mobiila doaibmá jienastettiin

Gávdnojit iešguđetlágan mobiillat, dihtorat ja neahttalohkkit. Ja válljenvejolašvuođat eai galgga leat hehttehussan jienastettiin. Dás dárkkistat ahte telefovdna dahje dihtor lea gearggus jienasteapmái.

Mana jienastansiidui. Oainnát go oasseváldiid?

Jo? Buorre, dalle leat gearggus jienastit. Čuovo sáddaga ja jienas iežat jiellaha.

It? De sáhtát dán geahččalit:

1. Dárkkis ahte du mobiila ja neahttalohkki lea ođasmahtton ođđaseamos veršuvdnii.
2. Geahččal rahpat eará neahttalohkki – ovdamearkka dihtii Chrome, Safari dahje Firefox.
3. Lea go dus eará dihtor, neahttalohkki dahje mobiila maid sáhtát atnit? Dárkkis seamma ládje doaibmá go buot, ja ane dan jienastettiin.
4. Geahččal eará e-poastačujuhusa dahje čoavddasáni (glemt passord)
5. Ii vel doaimma? Váldde oktavuođa: info@nrk.no!

Ná doaibmá jienasteapmi

Logge sisa nrk.no/stem ja vállje guđe guvlui don gulat.

Dus leat golbma nuvttá jiena juohke háve go jienastuvvo.

Dušše dat jienat mat sáddejuvvojit dan áigodagas go jienasteapmi lea rabas, šaddet oassin bohtosiin. Jus it jienas dán áigodagas, de jietna ii lohkko.

Sáddagis muitaluvvo goas lea vejolaš jienastit.

Álggos lea lávlunoassi:

Go buot guhtta artista leat lávlon, de álgá jienasteapmi. Dál mearridit geahččit ovttas fágajuryin.

Beasat oktii vel gullat oanehis oasi juohke lávlagis.

Bohtosat almmuhuvvojit ja guovttis beassaba gollefinálii.

Juoiganoassi álgá:

Go buot guđas leat juoigan, de álgá ođđa jienasteapmi. Fas leat gehččiid ja fágajury jienat mat mearridit bohtosa.

Mii oaidnit oasáža juohke luođis ja eará sisdoalu, ja go boađus lea das, de almmuhuvvo geat beassaba gollefinálii.

Gollefinála:

Álggos gullat dan guokte juoigi, ja dasto dan guokte lávlu. Go buohkat leat juoigan ja lávlon, de álgá eahkeda maŋemus jienasteapmi.

Dán háve leat dušše geahččit geat váikkuhit bohtosiidda. Fágajury ii jienas. Dat ovddit jienat eai lohkko.

Jus juoga manná boastut jienastemiin, de lea ovddalgihtii válljejuvvon álbmotjury juo jienastan. Ja de lea dat mii mearrida bohtosiid.

Goas sáhtán jienastit?

• Go buot 6 lávlu leat leamaš lávddis
• Go buot 6 juoigi leat leamaš lávddis
• Go gollefinalisttat leat leamaš lávddis

Galle jiena leat mus?

Dus leat golbma nuvttá jiena juohke oasis, nrk.no/stem bokte.

Manne ferten logget sisa?

Mii fertet čatnat juohke jiena sierra NRK-geavaheaddjái, vai sihkkarastit ahte bohtosat šaddet riekta.

NRK ii vurkkot dieđuid, ahte gii lea jienastan gean, muhto atnit dieđuid váruhit ahte guhtege geavaheaddji jienasta dušše golbmii juohke oasis.

Sáhtángo olgoriikkas jienastit?

Jo, don sáhtát jienastit gos dal de leaččat máilmmis. Jienastansiidu lea maiddái eŋgelasgillii.

Fertet dieđusge ráhkadit NRK.no geavaheaddji, nu mo dás bajábealde rávvet.

Leago jury?

Lávlun- ja juoiganosiin lea jury fárus mearrideame geat besset gollefinálii. Fágajury lohkko 50 %, ja nuppi 50 % ges geahččit.

NRK ja Sámi Musihkkafestivála lea maid ásahan álbmotjury, mii čohkká sáddenbáikkis. Jus juoga manná boastut jienastemiin, de atnit álbmotjury jienaid gollefinálas.