Jesusa bálvaleaddjit

Nuorra kristtalaččat leat álgán Jesusa bálvaleaddjin, sin deaivá Tromssa gávpogis juohke lavvardaga.

Jesusteltet-searvvi ovddasteaddjit Tromssas
Foto: Anne Olli

Tromssas leat nuorra olbmot álgán lávvardagaid muitalit Jesusis, ja evangeliumas tealttás maid leat ceggen guovdo gávpoga. Dát nuorra olbmot muitalit iežaset maiddái rohkadallat ja ipmilsániin buoridit olbmuid, ja sii vel olbmuid nieguidge čielggadit.

Dovdet gohččuma Ipmilis

Stig Ove Gisnås muitala iežaset gullat rájáhis kristtalaš organisašuvdnii Tromssas. Ja Tromssa guovddážis gávdná sin álo lávvardagaid rukses tealttás.

Iežaset muitala gávnnahan ahte sii fertejit bálvalit Jesusa, sin doaibma lea muitalit olbmuide Jesusis, ja maiddái rohkadallat buohcciid ovddas. Rievtti mielde dovdet iežaset dego Ipmilis gohččojuvvon bálvalit evangeliuma.

Dát golbma álbma gean deaivvan, sii leat oalle nuorra olbmot, guovttis leaba vuollel golbmalot jagi, boarraseamos lea birrasiid njealljalogi joagi. Beaivválaččat bargá son čuohpadeaddjin/ kirurgan Tromssa Universitehta buohcciviesus.

Sii buoridit nuvttá Ipmilsániin

Eai sii váldde geasge mávssu go rohkadallet sin ovddas, muhto mieđiha gal iežas eallit dáinna bargguin. Dáhpáhuvvá maid nu ahte olbmot addet ruhtaskeaŋkkaid sutnje, go son rohkadallá sin ovddas.

Muhtin olbmot atnet su barggu dan máđi dieŧálažžan ahte hálidit addit sutnje ruđa, danne go oaivvildit sin bargat buori barggu. Ii sin searvi leat nu stuoris, go sii leat dušše guđas geat lávvardagaid leat Trommsa gávpoga guovddážis bálvaleamen Jesusa.

Veahkehit danne go dovdet das ávkki

Iežaset lohká álggahan dán barggu danne go ieža leat vásihan Jesusa ja evangeliuma buorrevuođa, ja go Jesus rievdadii sin eallima, de hálidiot sii ahte earátge galget beassat vásihit dan seamma maid sii leat vásihan

Olbmot muitalit ahte ožžot veahkki

Jesusteltet-searvvi ovddasteaddjit Tromssas

Stig Ove Gisnaas

Foto: Anne Olli

Son muitala olbmuid leat čállán sidjiide maid sii dovde go sii leat rohkadallan sin ovddas,. Olbmot leat guođđán soppiid sin lusa, go eai šat leat daid dárbbašan maŋŋá go sii leat rohkadallan sin ovddas ja buoridan sin. Stig Ove Gisnaas muitala maid iežaset čielggadit nieguid, olbmuid nieguid. Danne bivden sin čielggadit niegu maid mun lean niegadan.

Mu niehku

Na lei dat niehku. Mun ledjen Kárášjogas márkanis vázzimin go fuomášin šerres čuovgga mii ihttigođii badjin johkaleagis, ja lahkanišgođii márkanbáikki. Olbmot viegadišgohte ja šattai hirbmat huikkas. Sii balle go navde dán leat máilmmeloahppan. Čuovga šattai eanet ja eanet šearradin, ja de fuomášin vel ahte čuovgga bajábealde lei vel dego sierra čuovga.

Gočuovga bođii vel lagabui de oidnen ahte Jesus dat boahtá, šearradis vilges biktasiin. Ja go ollii eatnamii de jávkkai son olmmošálbmogii, ja inge mun šat isidange gávdnan. Muhto de bođii Jesus mu ovddal, ja mun jearralin sus ahte lea go son su oaidnán. Son vástidii ahte in galgga ballat go son boahtá, nu Jesus fas jávkkai olmmošálbmogii, ja veaháš maŋŋelis de fuomášin Jesusa fas mannamini searradišvuodainnis gomuvuhtii.

Nieguid čielggadeaddji čilge niegu

Stig Ove Gisnaas ii loga dán niegu váttisin čilget, go dan lohká boahtit Ipmilis. Son ii loga dán leat oba niehkunge, baicce višuvdnan, áigumussan. Son oaivvilda munnje leat dán dego gohččumin. Ahte Ipmil lea oahpaladdan mu.

Son čilge mu neagu leat dego nu ahte Ipmil lea válljen mu leat dego iežas bálván mu ruovttubáikkis, ahte mun galggášin Ipmilis muitalait earáide. Ja ahte dat šearradis riekkis maid mun niegus oidnen Jesusa birra , dat čájeha agálášvuođa. Nie son čilgesta mu niegu.