Ii mana nu go lei illudan
Go skábman ránoda, de dalle čuvggodišgoahtá. Ránodit-sáni sáhttá maid geavahit go lea muohtestan nu ahte aiddo dal de dovdo eatnamis ja dalle lea eana ránodan.
Maiddái ilut sáhttát ránodit ja dalle gis lea nu ahte ii mana nu go lei illudan. Ja jos olbmuid gaskavuođat eai leat šat nu mo galggašedje leat, de sáhttá dán sáni geavahit muitalit ahte eai oro šat dohkkehaddamin.
Gáldut: NRK Sámi Radio dálkesátnejoavku, K. Nielsena Samisk ordbok III ja vuoras olbmot.