Ii duhtavaš givssidaneastademiin
Váhnemiid Givssidaneastadanfierpmádaga stivralahttu Elin Magga ii leat mielas ođđa láhkaevttohussii mii galggašii easttadit ja bissehit givssideami buorebut. Láhkaevttohusa mielde galget ásahuvvot givssidanáittardeaddjit, ja skuvllat sáhttet sáhkkohallat jos eai bisset givssideami. Magga oaivvilda baicce evttohuvvon láhka ii geatnegahtte albmaláhkai bissehit givssideami, ja ballá mánáid riektesihkkarvuohta fuotnána.