– Nullas čuođi rádjai, de galgá ádjánit sullii 2,1 sekundda, muitala mašiidnainšenevrra studeanta Peder Mathias Wergeland Teigmo.
Son hálla racingbiilla birra, maid son ja oktiibuot 60 studeanta leat ráhkadan, Norgga teknihkalaš- ja luonddudieđalaš universitehtas Troanddimis (NTNU).
OLLU OASIT: Dákkár biilla lea olu bargu ráhkadit.
Foto: Ole Andreas Ramsdal / PrivatBiila sáhttá vuodjit 120 kilomehtera tiimmus, ja nu mo Teigmo muitala de lea erenoamáš buorre jođán beassat 100 km tiibmui.
– Mis leamaš sisaváldingeahččaleamit, ja mun lean okta dain guđasin geat galget vuodjit, muitala son.
«Formula Student» gilvvuide
Son ja su mielstudeantat eai leat vuos beassan geahčalit iežaset ráhkkanusa, muhto leat gergosat mannat Eurohpái gilvalit eará studeanttaiguin. «Formula Student» gilvu lágiduvvo juohke jagi Eurohpás, sápmelaš ja su mielstudeantat galget mielde Englánddas, Tuiskkas ja Spánjas.
– Dan maid mii leat dáhkan lea hárjehallat simulatuvrrain ja maiddái vuodjit gokart-biillain. Dát biila maid leat ráhkadan fertet álggus geahčalit ahte buot lea ortnegis, vai ii leat váralaš vuodjit dáinna.
Biila lea elektrihkalaš biila, ja dát lea guđát biila maid NTNU-studeanttat ráhkadit. Studeanttat leat ieža álggahan prošeavtta, ja ožžot veahki iešguđetge sponsejeddjiin ja fitnodagain.
VUODJI: Kárášjohkalaš Peder Mathias Wergeland Teigmo leamaš mielde ráhkadeamen biilla, ja galgá ieš vuoddjit biillain.
