Ovddeš Deanu IT jođiheaddji guhte lea áššáskuhtton roavva korrupšuvnna ovddas, oažžu dál divššu speallansorjjasvuođa dihte, dan duođaštii doavtterspesialistta Østre Innlandet diggegottis ikte.
Vuosttaš diggebeaivvi vuossárgga muitaleigga áššáskuhtton albmá guovttos ahte speallansorjjasvuohta dat lei sivvan njihtamii.
Pride-doalut Finnmárkkus lágiduvvot nugo dábálaččat, nu lohká Fri Romssa ja Finnmárkku jođiheaddji Heidi Anita Hilmarsdottir.
– Ollugiin dán birrasis lea dál dárbu deaivvadit ja čalmmustahttit Pride, maŋŋá báhčaleami Oslos lávvardaga.
Ihttin lea Fri Romssas ja Finnmárkkus čoahkkin das mo boahtte áiggis galget čohkket dan bonju bearraša.
Boarráset olgoriikkalaš mátkkošteaddjit geat johtet cruisefatnasiin ja buohccájit vearrát leat noađđin Norgga dearvvašvuođabálvalusaide. Nu oaivvilda Davvi-Norgga universitehtabuohcceviesu váldodoavttir Claus Albretsen.
Neurologalaš ossodagas Romssas leat dál eanaš cruisefanasturisttat geat leat fáhtehallan váibmodohppehallamii ja vuoiŋŋašvardimii. Nu ii leat sadji guovllu pasieanttaide. Albretsen vuorddášii ahte sii geat tinejit cruisejohtolagain berrešedje doarjut buohcciviesudoaibmagoluid nugo lassi hápmandivvagiin ja turisttavearuin.
