Mij dahká nav vaj muhtema hestajda berusti? Ja manen la dát ienemusát næjtsoj gaskan?
Mij de dajna sidájma diehtet ienebuv dan birra, ja manájma soames stállaj Ájlátten Divtasvuonan.
16 jagák Oda Elén Nilsen la akta sijájs guhti hestaj lijkku barggat, ja suv de iejvijma stállan Ájlátten Divtasvuonan. Oda Elén Nilsen vuojnná hæssta l sunji ráddnan.
– Mån soaptsov stállan, ja lijkkuv hestaj barggat. Mån vuojnav hæsstaj daggu la buoremus ráddna.
Dádjat
Imálasj gal gullu, valla hæssta má dádjat, javllá Oda Elén ja rámmpu hestav juska l dal stuorak.
– Dat mij dáhka nav vaj hæsstaj lijkkuv le at hæssta dádjat. Gullu gal imálasj, valla hæssta dádjat. Hestajn la huj álkke gillot. Stuor judos, valla hæssta la lådje. Ja de l fártta dajna aj. Muv mielas la buorre hesta lunna liehket. Mån máhtáv
– Mujna ij la nav ållo ájgge hæsstaj danen gå váttsáv skåvlåv, valla bådisj gåjt ájgge.
Tjiegosvuodajt subtsastit
Ja Oda Elénaj la hæssta buorre ráddna masi dåhkki tjiegosvuodajt subtsastit. Sunji dåbddu buorren gå la hesta siegen læhkám. Ja hestajn dal dåhkki ságastit, javllá sån guhti l ållu fasinert hestajs.
– Hæssta la buorre terapija. Mån iv diede gåktu galgav tjielggit, valla hæssta dádjat. Mån oattjov ávvodåbdov gå man lav hestajn rijddimin jali barggamin.
–Máhttá dal hestajn ságastit juska ij oattjo bágojt ruoptus, valla vuojnáv dagu hæssta dádjat.
Ja juska dal hæssta gådtjå ja bajkká, ja muhttijn tsivnit, de ij Oda Elén balá hestaj barggamis.
– Mån sidáv dahkkár juhtusij barggat gå nav buorak la. Ja munji ij majdik dagá juska hæssta happsá ja bajkká.
E báhtja nav berusta
Ievvijma aj Sofie Ristin Skálltje. Sofie la lågenen avta jagák, ja sån aj lijkku hestaj gillot. Hæssta oadtju Sofiev buorre miellan, ja sån aj javllá hestajn dåhkki sáhkadit.
– Hæssta oadtju muv huj buorre mielan danen gå hæssta la nav tjábbe ja hávsske.
Mån lijkkuv hæsstaj danen gå mån máthav ságastit hæsstaj, ja dat ij javla vijdábut majt mån lav sunji subtsastam juska dal sunji tjiegosvuodajt giehtov. Ja mån máthav tjåhkkåhit suv hárddo nanna. Ja dav dal i dagá juohkka juhtusijn. Mån lav hesta lunna vargga juohkka biejve, ietján gå sådnåbiejve.
Sofie tjielggi ienemusát lij næjttso gutti hestaj gillu, báhtja dal ienemusát bállov tjiektji.
– Hestaj gillut e báhtja berusta.
Buoremus nálle
Kaisa Sofie Eriksen (15) javllá hæssta l dagu oasse fámiljas. Sunji l dal hæssta buorre hobby, ja sån dal buktá buorre rádijt jus dal galga hestav åtsåtjit.
– Hesta li moahttelágátja ja gájbbedij ålov. Jus galga gilpostit de la P.R.E.- nálle (pura raza española) buorre dajna gå la nav tjábbe, ruvva guohtsá ja buorre vuohke gå gahppá. Ja jus galga ålggon rijddit da la fjording, Islandahæssta jali Nordlánda hæssta buoremusá gå lij nav tjiehpe. Jus hæssta galgá giesset våñnav, de la Noriker jali Shetlandspony buoremus.