NRK Meny

Háliidit sihkkarastit kulturártnaid

Oarje-Finnmárkku museavuođđudus, RiddoDuottarMuseat, áiggošii digitaliseret badjelaš 230 boares jietnabáddema, ja badjelaš 50 filmmabáddema. Dát leat báddejuvvon gaskal čiežalotlogu ja guovtteduhátlogu. Earret eará leat olbmot geat leat riegádan loahpas 1800-logus jearahallojuvvon. Báddemat duođaštit sámi eallima, árgabeivviid ja árbevieruid. Museavuođđudus lea ohcan badjel čuohteduhát kruvnno Norgga kulturráđis dán bargui.