Háliida dieđihit dálkki sámegillii
Lásse Ánte Gaino Gaup (23) lea studeremin meteorologia Tromssas. Sus leat čielga boahtteáigge mihtut: – Doaivvun beassat čájehit dálkedieđuid TV:s, ja muitalit daid sámegillii, dadjá son. Son ii dieđe gávdnojit go sámegielat meteorologat. – Lea somá leat pioneran, dadjá son. Lásse Ánte lea kárášjohkalaš.
TV 2-dálkedieđiheaddji, Kari Eli Gjengedal, illuda go gullá dán.
– Son berre áinnas muitalit dálkki birra sámegillii TV:s. Dan han de sáhtašii jorgalit dárogillii, dadjá Gjengedal.
2018 Sámi álbmotbeaivve dieđihii son dálkki sámegillii TV 2-sáddagis.