Háddjanan Sámediggi duohtavuođa ja soabaheamis
Les på norsk: Et splittet sameting i sannhet og forsoning
Nordkalottfolket ovddidit iežaset evttohusaid duohtavuođa- ja soabadeami raportta čuovvoleapmái. Dan muitalit bellodatjođiheaddjit NRK Sápmái.
Nu ii oro šaddamin ovttaoaivilvuohta Sámedikkis mo čuovvolit dáruiduhttima vahágiid.
Sávve leat čoahkis
Norgga sámiid riikkasearvi (NSR) sávai Sámedikki leat nu čoahkis go vejolaš raportta gieđahallamis.
-Ii leat eahpádus ge das ahte mii leat nannoseappot čoahkis, go galgat ovddidit doaibmabijuid mat galget buot sápmelaččaide buorrin, cealká parlamentáralaš jođiheaddji Beaska Niillas (NSR) preassadieđáhusas,
Vuođđun politihkalaš gieđahallamii lea sámediggeráđi evttohus doaimmaide mo njulget dáruiduhttima vahágiid.
Njukčamánus mearridit
Dán vahkus álge politihkalaš šiehtadallamat Sámedikki lávdegoddečoahkkimiin. Ja dál lea juo čielggas ahte nubbin stuorámus bellodagat ovddida sierra evttohusaid raportta čuovvoleapmái.
Nordkalottfolket ovddida evttohusaid duorastaga.
Mo Sámediggi loahpaloahpas dáhtošii divvut dáruiduhttima háviid mearridit dievasčoahkkimis njukčamánu 4. - 8. b. dán jagi.