NRK Meny
Normal

Guovdageainnu dievdu doalahuvvo ain giddagasas goddináššis Ruoŧas

Goddinášši dutkkan 25 jahkásaš Guovdageainnu dievddu vuostá Skiellehis Ruoŧas ii leat vel loahpahuvvon. Skielleha diggegoddi dohkkehii danin ikte áktor áigumuša vel vahkku dievddu veaddit giddagasas.

Åstedsundersøkning på Morö Backe torg i Skellefteå

Ruoŧa politiijat čađahit teknihkalaš báikkis Skiellehis Ruoŧas gos Guovdageainnu dievdu váruhuvvo leat goddán olbmo doarrumis 2016 golggotmánus.

Ikte dat Skielleha Diggegoddi Ruoŧas mieđihii áššáskuhttái vel vahkku guorahallat niibbástallama, mas Guovdageaidnulaš dievdu váruhuvvo goddán nuppi olbmo, ja meartkkaša ahte dievdu šaddá áin čohkkat giddagasas.

Niibbástallan dáhpáhuvai Skiellehis čakčamánu álggus. Maŋŋil go dutkamin gerget, de mearriduvvo galgetgo Guovdageainulačča áššáskuhttit mieleavttus vai soaittáhagas goddán nuppi olbmo.

Bealušteaddjit dárbbašit liigeáigi

– Ášši gaskkaboddosaš dutkkan lea dál loahpaguvlui ovdánan, ja bealušteaddjit sáhttet dál searvat ja dieđuid oažžut dutkamis. Sii danin dárbbašit áiggi guorahallat ja árvvoštallat dán rádjai čohkkejuvvon dieđuid, ja sáhttet maiddái bivdit liigedieđuid áššái, dadjá áktor Andreas Nyberg.

Narkotihka gávppašeapmi

Dáhpáhus mii dagahii ahte olmmoš gávdnui jápmán, dáhpáhuvai golggotmánu 10.beaivvi čuovganeapmái, go ollu olbmot ledje šiehttan deaivvadit Moro Backe gávpogis Skiellehis Gaska Ruoŧas.

Čukkohalai jámas

Dutkkalmasaid bakte leat politiijat gávnnahan ahte deaivvadeami ulbmil lei narkotihka suollemas boalváruššan, ja olbmot geat deaivvadedje doarrájedje man nu siva dihte. Doarrumis čukkohalai okta olmmoš nu bahuid ahte son maŋŋil jámii.

Balahuvvojit olmmošgoddin

Politiijat válde vihtta olbmo giddagassii, ja guovttis sis dat balahuvvojit leat nuppi olbmo goddán. Okta dain vihtásis lea juo luitojuvvon politiijaid giddagasas, ja soames vahkuid maŋŋelis luitojuvvojedje dat golbma dievddu maiddái geat navdojuvvojedje rievuid plánen, muhto váruhus ain bisuhuvvon sin vuostá..

25 jahkásaš Guovdageainnu dievdu gii ain lea giddagasas, go balahuvvo leat niibbástallan nuppi olbmo jámas, doalahuvvo giddagasas. Áktor dadjá Ruoŧa Radioi ahte go dutkan ii leat ollásit loahpahuvvon, de lea váttis dadjat mii bođeš go dutkamin leat geargan.