Goabbatlágan Utøya-raporta

Kárášjoga ráđđeolmmái čilge Utøya-raporttas ahte gielda lea golahan ollislaččat buot ruđa maid Norgga eiseválddit leat juolludan gildii Utøya-nuoraid váste. Oktiibuot 2,55 miljovnna ruvnno. Dárkkistanlávdegoddi ges ii sáhte duođaštit eará 417 000 ruvnno maid gielda galgá leat golahan nuoraide. Goappá raporta dohkkeha Kárášjoga gielddastivra? Čuovo gielddastivrra njuolgga duorastaga diibmu logi rájes NRK.NO/SAPMI neahttasiiddu bokte.