Girjjálašvuođa bálkkašupmi Siri Broch Johansenii

Sámiráđi Jagi 2016 girjjálašvuođabálkkašupmi juhkkojuvvo Siri Broch Johansenii nuoraidromána ”Mun lean čuoigi” ovddas.

Siri Broch Johansen

Sir Broch Johansen oažžu jagi 2016 Sámiráđi girjjášlašvuođa bálkkašumi.

Foto: Aslak Mikal Mienna

Sámiráđi árvvoštallanlávdegoddi cealká earret ahte Siri Broch Johansen govvida bures movt sámi nuorat bajasšaddet ovttain julggiin sámi kultuvrras ja nuppiin julggiin ođđaáiggi máilmmis.

Muitalusas leat olu man beallešaddit soitet dovdat dehe ieža vásihit ja dat geasuha lohkki, fille su beroštit muitalusas nuoraid birra. Árvvoštallanlávdegoddi ákkastallá maiddái ahte girječálli duostá čállit tabuaáššiid birra, dego seksa ja jápmima birra.

Girji guoskkaha dovdduid nugo ráhkisvuođa, balu, heahpaneami ja morraša rabas ládje bártni perspektiivvas. Das lea njuovžilis ja gehppes giella mii heive bures nuorra lohkkiide. Muitalus čuohcá dovdduide, joksá lohkki váimmu ja báhcá guhka muitui.