NRK Meny
Normal

Girječálli jurdagat iežas bargui

Kirste Paltto girječállin vuolgá dávjjimusat dološ máidnasiin ja muitalusain. Maiddái ovddeš olbmuid mánáidbajásgeassin lea ášši mas Paltto vuolggaha čállosiiddis, muhto vel smávva divggašge glássaliinnis lea movttiidahttán su čállit girjji.

Girječálli Kirste Paltto.

Girječálli Kirste Paltto

Foto: Dan Robert Larsen / NRK

Gula Kirste Paltto, álggos muitala son iežas maŋimus girjjis Ája

Juovllaide ilmmái Kirste Palttos ođđa girji man namma lea "Ája", muhto sus lea vel okta ođđa giehtačálus vuordimin ruhtadeami beassat prentehussii.

Mii movttiidahttá su čállit

Kirste Paltto muitala leat olu áššiid mat movttiidahttet su čállit. Dološ muitalusat ja máidnasat leat vuolggahan sus olu jurdagiid, ja nu lea vuolgán sus giehtačálus mii maŋŋelis lea girjin ilbman.

Girječálli Kirste Paltto.

Girječálli Kirste Paltto

Foto: Dan Robert Larsen / NRK

Buohkat sáhttet čállit

Kirste Paltto ii loga dárbbašit leat alla oahppu čállit girjjiid, muitalusaid sáhttet čállit vaikke geat. Olbmot galggašedje čállit, ja de bivdit muhtima lohkat ja neavvut, na oažžu olmmoš buori veahkki álggahit čállin barggu.

Čállán juo guhká

Ieš lea Kirste Paltto čállán juo guhká. Son lea čállán sihke diktagirjjiid, noveallaid, romanaid ja gullugovaid. Son lea maid vuosttaš sámi nisu gii lea čállán girjji sámegillii. Noveallačoakkáldat Soagŋu ilmmai jagi 1971. Kirste Paltto lea riegádan 1947.