Gielddasámegiel-rappa eallá neahtas

Lujávrilaččaid Jarsem Galkin ja Roman Jakovlev rap-lávlla «Moainas Seidijavv`r bajas» geasuha neahtas. Dássái lea video mii čájeha lávlaga gehččon 55.044 geardde Ruošša VKontakte sosiála mediijas. Lávlla bođii goalmmádin beassážiid Sámi Grand Prix:s. Ii goassige ovdal leat lávlla gielddasámegillii gehččon nu máŋgii neahtas.