Ovddideaba áiton giela buoremus sáddenáiggis

(LUJÁVRI, NRK:) Dán jagi Sámi Grand Prix sáddejuvvo njuolgga NRK2:s, neahta ja rádio bokte. Dása liikoba Jarsem Galkin ja Roman Jakovlev.

Her er en smakebit av Моайнас Се̄ййтъя̄вьр баяс, Yarsem Galkin & Roman Jakolevs bidrag i Sámi Grand Prix, som betyr "Eventyr om Sieidejávri".

RÁPPE ÁITON GILLII: Dás oaččut smávva máistaga Jarsem Galkin (gurut) ja Roman Jakovlev Sámi Grand Prix lávlagis.

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

Les artikkelen på norsk

– Mun lean mánnávuođa rájes liikon rap-musihkkii. Geahččalin ieš ráppet ja dat lihkostuvai bures. Dalle riegádii maid jurdda geahččalit dahkat dan sámegillii. Dat han lea mu eatnigiella, čilge Jarsem Galkin (31).

Roman Jakovlev

GIELLAOVDDIDEADDJI: Roman Jakovlev čállá ieš teavsttaid ja šuoŋaid gielddasámegillii.

Foto: Aleksander Paul / Frilans

Lujávrilaš lea áidna olmmoš máilmmis gii ráppe gielddasámegillii.

Giella leage Unesco duođalaččat áiton gielaid listtas. Unnitgo 700 olbmo hálddašit dan.

Roman Jakovlev (34) lea ovdal NRK Sápmái dadjan, ahte dađibahábut eai leat nu gallis geat beroštit gielddasámegielas. Danne geahččala musihka bokte oažžut eambbo sápmelaččaid beroštit sihke gielas ja sámevuođas.

– Sámi Grand Prix gilvvuid oassálastin lea buorre boađus ja ovtta láhkái rápmin dasa, maid lean dahkan. Dat movttiidahttá oahppat ja bargat gielddasámegielain, dadjá Jakovlev.

Vuosttaš lujávrilaš vuoiti

Lujávrri stuorra musihkalaš doaivagat oassálastiba lávlagiin «Moainas Seidijavv`r bajas».

Teavstta lea Jarsem Galkin čállán ovttas etniinis. Roman Jakovlev lea šuokŋadahkki.

– In dieđe leašgo doaivva vuoitit gilvvuid, muhto lea suohtas go letne beassan mielde, lohká Galkin.

Jagis 2002 vuittii Jarsem eadni Elvira Galkina Sámi Grand Prix lávlungilvvuid lávlagiin «Immel agk». Son lea dat vuosttaš lujávrilaš, gii vuittii SGP lávlunoasi.

Elvira Galkina

VUITTII SGP: Elvira Galkina lohká alcces leamaš stuorra ávkin go vuittii SGP jagis 2002.

Foto: Arkiv / NRK

Jagi ovdal vuittii Anfisa Agejeva juoiganoasi luđiin «Meleš». Dán jagi lea su oabbá Domna Khomjuk mielde juoiganoasis.

– Lean gal ilus go bárdnán oassálastá dáidda sámegilvvuide. Sus lea leamaš mánnávuođa rájes jo stuorra beroštupmi musihkkii ja lean ilus go son ráppe sámegillii.

Elvirai Sámi Grand Prix vuoitu dagai su dovddusin miehtá Sámi. Son lea doallan konsearttaid feara gos.

Logi jagi dás ovdal son fárrii stuorát gávpogii.

Jarsem Galkin og Elvira Galkina

BÁRDNI JA EADNI: Jarsem Galkin lea mielde dán jagi SGP:s. Eadni Elvira Galkina vuittii jagis 2002. – Nugo juohke eadni sávan sutnje dan buoremusa ja háliidivččen ahte vuoittášii. Jus ii lihkostuva, de son liikká leat dat buoremus, dadjá Galkina.

Foto: Jevgenij Kirillov / Frilans

Sáddejuvvo TV:s, neahtas ja rádios

Koronavirusa ráddjemiid geažil ii šatta dábálaš Sámi Grand Prix dán jagi. Buot luođit ja lávlagat leat ovddalgihtii báddejuvvon.

Jarsem Galkin ja Roman Jakovlev finaiga Moskvas ráhkadeamen musihkkavideo, mii čájehuvvo beassášlávvardaga.

Videocrew Jarsem Galkin og Roman Jakovlev

VIDEOJOAVKU: Ná ollugat ledje mielde Moskvas bargamin Jarsem Galkin ja Roman Jakovlev musihkkavideoin.

Foto: Privat

– 18 obmo leat bargan munno videoin ja lei duođaid somá bargat ámmátolbmuiguin, illosa Galkin.

Beassášlávvardaga sáhtát čuovvut juoigan- ja lávlungilvvuid NRK2, NRK TV ja NRK DAB Sámi Rádio bokte. Sátta álgá dii. 18.00 Norgga áiggi.

Mona Solbakk

ILUS: NRK Sámi direktevra Mona Solbakk. 

Foto: NRK

Musihkkavideoid vuođul besset geahččit ja árvvoštallanjoavku mearridit gii vuoitá juoiganoasi ja gii lávlunoasi.

Gehččiid jienat váikkuhit bohtosii 50:in proseanttain ja árvvoštallanjoavkku jienat gis nuppi 50 proseantta.

– Mii illudit guoimmuhit olles Sámi ja Norgga ođđa sámi musihkain ja sávvat ollugat geavahit liibba jienastit vuoiti, lohká NRK Sámi direktevra Mona Solbakk.

Hildá Länsman & Lávre lávlagiin «Jođi» leaba Coolbet veahtalanfitnodaga stuorámus fávorihtat vuoitit beassášlávvardaga Sámi Grand Prix. Unnimus jáhku lea fitnodagas Jarsem Galkin ja Roman Jakovlev lávlagii.

Håkon Mudenia og Elle Gaup-Johansen

JOĐOHEABA SGP: Håkon Mudenia ja Elle Gaup-Johansen leaba Sámi Grand Prix láidesteaddjit beassášlávvardaga.

Foto: NRK

Mer om koronaviruset

Status Norge

Sist oppdatert: 08.05.2021
2 509
Smittede siste 7 dager
106
Innlagte
767
Døde
1 465 851
Vaksinerte