NRK Meny

Gávdnon jábmán

Duššan olmmoš, gii ikte eahkedis gávdnui Guovdageainnu suohkanis, lea Anders Nils Sokki.
Nu duođašta Oarje-Finnmárkku politiija guovllu operašuvdnajođiheaddji Magnus Siljehaug dál iđđedis.
Mannan vahkkoloahpa rájes dat leat ohcan Sokki, gii lei dieđihuvvon láhppon maŋŋel go ii boahtán ruoktot guollebivddus.
Son gávdnui Juzejávrri lahka ja politiijat gáibidit su obduserejuvvot. Politiijat eai navdde makkárge rihkkosiid čatnasan dán áššái.