Danne leat lágideaddjit dán jagi ásahan lagabut ovttasbarggu Porsáŋggu gieldda eastadanossodagain ja bolesiiguin. Áigomuš livččii ásahit dorvoleappot riemuid.
Lágideaddjit leat doallan árvvoštallančoahkkima mas riepmonjunnožiid lassin serve bolesat, buohccebiilabargit ja Porsáŋggu gieldda hálddahusbargit. Čoahkkimis mearriduvvui dahkat Gaskaijarocka sihke suohttaset ja dorvoleappot riepmun.
Nu čállá
ruoktosiidduinis.- Olbmot ožžot veahki
Porsáŋggu gielda lea dán jagi ceggemin tealtta riepmogohttenbáikái. Dás galggašedje nuorat oažžut veahki dahje olbmo geainna sáhtášedje háleštit.
Bolesat galget leat maid sakka eanet oidnosis dán jagi riemuin. Gaskaijarocka vávttat galget maid johtilit mannat gaskii jus bohciidit riiddut dahje soabatmeahttonvuođat riemostalliid gaskkas. Olbmot geat menddo garrasit riggerejit biddjojit eret guovllus ja sin festiválapássa duoguštuvvo.
Ahkemearri beassat Gaskaijarockii lea maid loktejuvvon. Dál eai beasa vuollel 18-jahkásaččat riemuide.
Dá leat muhtin doaibmabijut mat galggašedje dahkat Gaskaijarocka sihke suohttaset ja dorvvoleappot festiválan.
Gaskaijarocka lágiduvvo Leavnnjas Finnmárkkus suoidnemánu logát gitta golbmanuppelogát beaivái.
Loga máiddái: