NRK Meny
Normal

Gáibida gildosa bohccuiguin bargat

Bealušteaddji mielas lea dát beare garra čuoččuhus.

Inge Svae-Grotli

Áššáskuhtti Inge Svae-Grotli celki odne loahppacealkámuša Sis-Finnmárkku diggegottis

Foto: Johan Ánte Utsi / NRK

Trond Biti

Trond Biti, bealušteaddji nuppi dain guokte áššáskuhtton dievdduide.

Foto: Trond Biti / NRK

– Økokrimas eai leat doarvái duođaštusat mu klieanta vuostá. Son berre juohke čuoggas beassát friddja, dadjá bealušteaddji Biti.

Trond Biti bealušta nuppi dain guovtti áššáskuhtton dievddu geaid Økokrim lea áššáskuhttán ávdnasiiguin čuggon bohccuid gitta jápme, vai orro dego boraspire mii lea goddán daid. Ja daid ovddas gáibidan boraspirebuhtadusa. Dasa lassin leaba áššáskuhtton rievdadan sániid nuppi olbmo bohccuin mearkka alcceseaset

Lagabui miljovnna ruvnno buhtadusgáibádus

Seammás gáibida áššáskuhtti ahte goappašagat galgába máksit lagabui miljovnna ruvnno buhtadussan.

Son gáibida ahte áššáskuhttit máksiba ruovttoluotta boraspirebuhtadusaid. Vuosttáš áššáskuhtton dievddus gáibida 850 932 ruvnno ja nuppis ges 836 796.

Seammás gáibidii gillajeddjiid bealušteaddji vuosttáš áššáskuhtton dievddus 35 700 ruvnno ja 23 200. Nuppis ges 22 756.

– Roavva ekonomalaš njihttin

– Mii čuoččuhit ahte dán áššis lea roavva ekonomalaš njihttin, roavva suoládeapmi ja duođalaš rihkkun elliidsuodjalus lágas, dadjá áššáskuhtti Inge Svae-Grotli.

Áššáskuhtti deattuhii ahte sii gáibidit garra duomu dievddu guoktái, vai earát eai verroš seammá ládje.

– Min mielas lea dehálaš ahte dás celko garra duopmu, vai boazodoallo ealáhussii ii noga luohttámuš. Nu ahte olggobeale olbmot oidnet maid ahte eiseválddit ráŋggaštit boazodolliid geat eai čuovo lágaid, lohká Svae-Grotli.

  • Loga dán maid:

Frykter hele reindriftsnæringen får dårlig rykte på seg

Indre Finnmark Tinghus
Foto: Johan Ánte Utsi / NRK

Gáibida gildosa bohccuiguin bargat

Áššáskuhtti deattuha ahte dat duođaleamos bealli dán áššis lea go áššáskuhtti guoktá galgába biinnidan bohccuid ja nu rihkkon elliidsuodjaluslága.

– Dán čuoggás mii gáibidit ahte soai massiiga rievtti bohccuiguin bargat viđa jahkái.

Garra čuoččuhus vástida bealušteaddji.

– Dat lea dan muttos garra ráŋggáštus mu klientii ahte praktihkalaččat ferte son ja su bearaš heaitit bohccuiguin ja dat ii leat vuođđu dasa.

  • Loga dán maid:

Forsvarerne: – Han kan ikke anses som ekspertvitne