Gåhttju vuoras ulmutjijt båråtjit
Dán tjavtja de Hábmera suohkan boarrásap ulmutjijt gåhttju Hábmera hotællaj mállásijt aktan båråtjit. Nieljes ájgen bessi mañen. Juohkkahasj viertti iesj biebmojs mákset, valla hadde l vuoledum. Soames luojvoj bargge l siegen hávskkudallamin. Sivvan gå suohkan dáv álgat la dárbov båhtusijs gåbttjåt rubbmalasj ja psyhkalasj sosiála måsskusis, ja dilev láhtjet vaj sij gudi lij 65 jage vuorrasappo galggi dåbddåt sij lij oasse sosiála aktijvuodas. Da la Hábmera luojvojguovdásj, Hábmera hotælla, boarrásijráde, pensjonistasiebrre ja Hábmera taxi ma aktan dájna barggi. Dav tjállá Hábmera suohkan næhttabielenis.