Golmma-máná eadni Márjá Louise Sara, son gal viššálit gáhkke go juovlagáhkut ledje dehálaččat su mánnávuođaruovttus. Dán árbevieru son dál dáhtošii fievrridit viidáseabbot iežas mánáide.
Gáhkket oahpai eadnestis
Iežas lohká mánnávuođas juo hárjánan ahte juovllaide galgá gáhkket. Danne gáhkke son hui olu juovllaide, go dasa lea son hárjánan. Dat ahte mánát besset gáhkket bihporgáhkkuid, dat lea sutnje dehálaš.
Sus leat mánát mielde ráhkkaneamen, bassamin ja čiŋaheamen dálu juovllaide. Buoremus lea ahte mánát ohppet dan maid son ieš mánnán oahpai.