Hopp til innhold

Odne Eurovision finála: – Hui somá go eaminieida lea mielde!

Aborigiidna nieida Jessica Mauboy lea okta dain gean musihkkadovdit jáhkket sáhttá vuoitit Melodi Grand Prix 2018. Son lea maiddái sápmelaččaid Grand Prix sáŋgára favorihtta.

Jessica Mauboy

BEASAI FINÁLII: Ná reagerii Australia Jessica Mauboy go oaččui diehttit ahte son beassá Eurovision finálii.

Foto: Armando Franca / AP

– Dát lea mu eallima stuorámus olahus, dajai Jessica Mauboy TV Week bláđđái go beasai Eurovision finálii.

Mauboy jotkkii ja dajai ahte sus lea seamma dovdu dál mo dalle go lei 16-jahkásaš ja searvvai Australia Idol gilvvuin.

Dál lea lávlu 28-jahkásaš.

Australia's Jessica Mauboy performs during a rehearsal for Eurovision Song Contest 2018 at the Altice Arena hall in Lisbon

JESSICA MAUBOY: Aborigiidna nieida lávddis lávlumin «We Got Love».

Foto: Pedro Nunes / Reuters

Son gullá Australia eamiálbmogiidda, aborigiinnaide. Jessica Mauboy lea Eurovisionii dadjan ahte son lea rámis iežas duogáža geažil.

– Mun lean geahčan Eurovisiona das rájes go ledjen 11-jahkásaš. Dat lea nu somás dáhpáhus, ja lea stuorra gudni beassat ovddastit Australia, dadjá Mauboy TV Week bláđđái.

Elin Kåven doarju Jessica

Sápmelaš lávlu Elin Kåven oassálasttii diibmá Norgga Grand Prix (MGP) finálas. Sutnje badjánit muittut dál go fas lea MGP-áigi.

– Go gehččen dan Norgga finála de geahčastin ruovttuluotta miehtá eahkeda. Dat lei nu ártet jurddašit dan birra ahte mun lean leamaš dieppe mielde ja dien lávddis. De gal muiten buot mii geavai, muittaša Kåven.

Son mieđiha ahte ii leat gullan eará go daid lávlagiid mat ledje Norgga finálas. Muhto gulakeahttá sus lea jo favorihtta.

– Dat lea áibbas somá ja hui buorre go álgoálbmot ovddasteaddji lea mielde Eurovision finálas. Mun álo doarjjun álgoálbmogiid, nu ahte váikko in leat gullan su lávlaga de lea son mu favorihtta, dadjá Kåven NRK:i.

Elin & The Woods

ELIN & THE WOODS: Elin Kåven ja Robin Lynch šattaiba goalmmádin Norgga MGP-finálas 2017:s.

Foto: Katrine Nagy Opdahl/NRK

Diibmá maid lea Austrálias aborigiidna guhte lávllui Eurovision finálas. Dalle lei Isaiah Firebrace, mii bođii ovccát sadjái. Elin Kåven mielas čájeha dát ahte Austrálias lea beroštupmi iežaset álgoálbmogiidda.

11. sajis

Jessica Mauboy lávlu lávlaga «We Got Love». Son lei ovtta gaska daid viđa lávlagiid searvvis maid veahtalan fitnodagat jáhkke lea stuorámus vejolašvuohta vuoitit. Dál lea «We Got Love» 11. sajis.

Go Mauboy bođii Eurovision preassalatnjii duorastaga de ledje ollosat geat ávvudedje. Journalisttat besse dušše guokte gažaldaga jearrat, ja danin ii beassan NRK hállat sutnje.

Norgga ovddasteaddji lea Alexander Rybak «That's How You Write A Song» lávlagiin. Ovddeš Eurovision vuoiti vástidii movttegit journalisttaide.

Publisert

NRK Sápmi – davvisámegillii

Mer om: NRK Sápmi – davvisámegillii

Eurovision Song Contest 2018

Mer om: Eurovision Song Contest 2018

Mer fra NRK Sápmi

Korte nyheter

  • Ođđasat - norsk

    Samisk høgskole: Mange søkere, men lærere mangler

    På Samisk høgskole merker det stor interesse for å lære seg samisk.

    Mange har søkt til samisk for nybegynnere, som kalles SÁL1 og SÁL2.

    Til sammen er det 70 søkere.

    – Vårt problem er at vi ikke har nok fagfolk som kan undervise i samisk, opplyser rektor Liv Inger Somby ved Samisk høgskole.

    Hun forteller at skolen nå jobber knallhardt strategisk for å finne folk som kan jobbe hos dem og undervise nybegynnere i samisk.

    – Hvis vi lykkes å få en eller to lærere, kan vi fordoble antallet studenter. Da har vi ikke bare 15, men 30 studenter, forklarer Somby.

    Utfordringen til Samisk høgskole er at det er mange som starter på masterutdanning i samisk, men mange blir ikke ferdige med utdanningen.

    – De bruker så lang tid. Derfor får vi ikke mange nok som har nok kompetanse til å undervise i høgskolen, forklarer Somby.

    Loga sámegillii

    Liv Inger Somby
    Foto: Privat
  • Ođđasat - Davvisámegillii

    Sámi allaskuvla: Olu ohcit, muhto oahpaheaddjit váilot

    Sámi allaskuvllas oidnet, ahte dál lea stuorra beroštupmi oahppat sámegiela.

    Ollugat leat ohcan sámegiela easkkaálgi kursii, man gohčodit SÁL1 ja SÁL2.

    Buohkanassii leat 70 ohcci.

    – Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.

    Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.

    – Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.

    Sámi allaskuvlla hástalus lea, ahte máŋggas álget sámegiela masterohppui, muhto máŋggas eai geargga oahpuin.

    – Dat ádjánit hui guhká. Danne eat oaččo doarvái olbmuid geain lea gelbbolašvuohta oahpahit allaskuvllas, čilge Somby.

    Les på norsk

    Liv Inger Somby
    Foto: Ođđasat / NRK
  • Ođđasat - norsk

    I dag feires kvenenes språkdag

    I dag feires kvenenes språkdag, kväänin kielipäivä, i hele landet.

    Dagen markeres til minne om offisiell anerkjennelse av det kvenske språket den 26. april i 2005.

    Loga sámegillii

    Kvenflagget
    Foto: Arne Ivar Johnsen / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen