NRK Meny
Normal

En mann i 20-årene

Dánlágan dárogiel dajaldagat muhtumin jorgaluvvojit sámegillii dárogiela málle mielde, ja dalle báhcet vuogas sámegiel dajaldagat geavatkeahttá.

Lese
Foto: Cathrine Brekka / NRK

Máŋgagoalmmátlohjahkásaš

En mann i 20 årene ii dárbbaš daddjot dárogiela málle mielde nugo almmái/dievdu guoktelohjagiin go sámegielas leat eará vuogas dadjanvuogit. Guđe dajaldaga olmmoš vállje geavahit lea dieđusge dan duohken maid lea jurddašan muitalit. Dá leat muhtun ovdamearkkat: moaddegoalmmátlohjahkásaš almmái/dievdu ~ máŋgagoalmmátlohjahkásaš almmái/dievdu ~ goalmmátlohjahkásaš almmái/dievdu ~ almmái/dievdu gii lea goalmmátlohkái (mannamin) ~ badjel 20-jahkásaš almmái/dievdu ~ measta 30-jahkásaš almmái/dievdu.

Eanet lohkamuš:

Sammallahti, Pekka: Láidehus sámegiela cealkkaoahpa dutkamii. S. 160-161. Davvi Girji. Kárášjohka, 2005.

Nickel, Klaus Peter: Samisk grammatikk. s. 87. 2. deaddileapmi. Davvi Girji. Kárášjohka, 1994.